Palakkad Murder | പാലക്കാട് കൊലപാതകങ്ങള്: 'മുഖം നോക്കാതെ നടപടി, ബലം പ്രയോഗിക്കേണ്ടി വന്നാല് പ്രയോഗിക്കും'; മന്ത്രി കെ കൃഷ്ണന്കുട്ടി
- Published by:Jayesh Krishnan
- news18-malayalam
Last Updated:
കൊലപാതക വിവരം അറിഞ്ഞ ഉടന് തന്നെ മുഖ്യമന്ത്രി പിണറായി വിജയനുമായി ബന്ധപ്പെട്ടു. ശക്തമായ നടപടിയെടുക്കാന് മുഖ്യമന്ത്രി നിര്ദ്ദേശം നല്കിയിട്ടുണ്ട്.
പാലക്കാട്: പാലക്കാട്(Palakkad) നടന്ന കൊലപാതകങ്ങളില് പൊലീസ് മുഖം നോക്കാതെ നടപടിയെടുക്കുമെന്ന് മന്ത്രി കെ കൃഷ്ണന്കുട്ടി(Minister K KrishnanKutti). രണ്ട് പാര്ട്ടികളും സ്വയം നിയന്ത്രിക്കണമെന്ന് ആവശ്യപ്പെട്ട മന്ത്രി, ശക്തമായ നടപടിക്ക് നിര്ദ്ദേശം നല്കിയെന്നും പറഞ്ഞു. അക്രമം വര്ഗീയമാക്കി മാറ്റാനാണ് ശ്രമം. ആക്ഷേപം വന്നാലും കുഴപ്പമില്ല, നടപടിയെടുക്കാന് പൊലീസിന് നിര്ദ്ദേശം നല്കിയെന്നും അദ്ദേഹം പറഞ്ഞു.
കൊലപാതക വിവരം അറിഞ്ഞ ഉടന് തന്നെ മുഖ്യമന്ത്രി പിണറായി വിജയനുമായി ബന്ധപ്പെട്ടു. ശക്തമായ നടപടിയെടുക്കാന് മുഖ്യമന്ത്രി നിര്ദ്ദേശം നല്കിയിട്ടുണ്ട്. പുതിയ ഫോഴ്സിനേയും പാലക്കാട്ടേക്ക് അയച്ചിട്ടുണ്ട്. ജീവനാണ് നമുക്ക് രക്ഷിക്കേണ്ടത്. പോലീസ് ശക്തമായ അടിച്ചമര്ത്തല് സ്വഭാവത്തോടു കൂടി നീങ്ങണം.
പൊലീസ് ശക്തമായ അടിച്ചമര്ത്തല് സ്വഭാവത്തോടു കൂടി നീങ്ങണം. അതിന് ബലം പ്രയോഗിക്കേണ്ടിവരും. വര്ഗീയ ലഹള കൊണ്ടുവരാനാണ് ശ്രമം. രണ്ട് ചേരിയാക്കി രാജ്യത്തെ തിരിക്കുക എന്ന രീതിയിലേക്കാണ് കാര്യങ്ങള് പോകുന്നത്.
Also Read-Palakkad Murder | ശ്രീനിവാസന് വധം; അക്രമി സംഘം ഉപയോഗിച്ച ഒരു വാഹനത്തിന്റെ ഉടമയെ കണ്ടെത്തി
advertisement
കഴിഞ്ഞദിവസം എലപ്പുള്ളിയിലെ കൊലപാതകത്തിന്റെ ഞെട്ടല് മാറുംമുമ്പേയാണ് പാലക്കാട് നഗരത്തോട് ചേര്ന്ന മേലാമുറിയില് രണ്ടാമത്തെ കൊലപാതകവും അരങ്ങേറിയത്. ആര്എസ്എസ് നേതാവും മുന് ശാരീരിക് ശിക്ഷണ് പ്രമുഖുമായ ശ്രീനിവാസനെയാണ് ഒരു സംഘം അതിദാരുണമായി കൊലപ്പെടുത്തിയത്. ശനിയാഴ്ച ഉച്ചയ്ക്ക് ഒരുമണിയോടെയായിരുന്നു സംഭവം.
മേലാമുറിയില് 'എസ് കെ എസ്. ഓട്ടോസ്' എന്ന പേരില് ഓട്ടോ കണ്സള്ട്ടിങ് സ്ഥാപനം നടത്തുകയായിരുന്നു ശ്രീനിവാസന്. ഉച്ചയ്ക്ക് ഒരുമണിയോടെ മൂന്ന് സ്കൂട്ടറുകളില് എത്തിയ ആറംഗ സംഘമാണ് ശ്രീനിവാസനെ ആക്രമിച്ചത്. ആക്രമണത്തിന് ഇവരെത്തുന്നതിന്റെ സിസിടിവി ദൃശ്യങ്ങള് പുറത്തായി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Apr 17, 2022 10:38 AM IST
മലയാളം വാർത്തകൾ/ വാർത്ത/Kerala/
Palakkad Murder | പാലക്കാട് കൊലപാതകങ്ങള്: 'മുഖം നോക്കാതെ നടപടി, ബലം പ്രയോഗിക്കേണ്ടി വന്നാല് പ്രയോഗിക്കും'; മന്ത്രി കെ കൃഷ്ണന്കുട്ടി
