ഷീല സണ്ണിയെ നേരിട്ട് വിളിച്ചു; വ്യാജ മയക്കുമരുന്ന് കേസിൽ ഉത്തരവാദികളായവർക്കെതിരെ നടപടിയുണ്ടാകുമെന്ന് മന്ത്രി എംബി രാജേഷ്

തിരുവനന്തപുരം: ചാലക്കുടിയിൽ മയക്കുമരുന്ന് കേസിൽ വ്യാജമായി പ്രതിചേർക്കപ്പെട്ട ഷീലാ സണ്ണിയെ ഫോണിൽ വിളിച്ച്‌ ആശ്വസിപ്പിച്ച് മന്ത്രി എം ബി രാജേഷ്. ചെയ്യാത്ത‌ തെറ്റിന്റെ പേരിൽ‌ ജയിലിൽ കിടക്കാനിടയായതിലും, അനുഭവിച്ച ബുദ്ധിമുട്ടിലും മന്ത്രി ഖേദം പ്രകടിപ്പിച്ചു. വ്യാജമായി കേസിൽ കുടുക്കിയവർക്കെതിരെ കർശന നടപടിയുണ്ടാകുമെന്നും മന്ത്രി ഉറപ്പ് നൽകി. ഫെയ്‌സ്‌ബുക്കിലൂടെയാണ് മന്ത്രി വിവരം പങ്കുവച്ചത്.