'ഗവർണറുടെ പ്രവർത്തികൾ ജനങ്ങൾ കാണുന്നുണ്ട്'; പദവി മറന്ന് പ്രവർത്തിക്കരുതെന്ന് മന്ത്രി പി രാജീവ്

കൊച്ചി: ഗവർണർ പദവി മറന്ന് പ്രവർത്തിക്കരുതെന്ന് മന്ത്രി പി രാജീവ്. ഉന്നത സ്ഥാനങ്ങളിൽ ഇരിക്കുന്നവർ എങ്ങിനെ പ്രവർത്തിക്കണം എന്ന് കേന്ദ്ര മാർഗ നിർദേശമുണ്ട്. ഗവർണറുടെ പ്രവർത്തികൾ ജനങ്ങൾ കാണുന്നുണ്ട്. സ്വതന്ത്ര ഇന്ത്യയിൽ ആദ്യമായാണ് ഗവർണറെ തടഞ്ഞ പ്രതിഷേധക്കാർക്കെതിരെ 124 ചുമത്തിയത്.വകുപ്പ് ചുമത്തിയത് ഗവർണറുടെ സമ്മർദ്ദം കാരണമാണ്. ഗവർണർമാർ ചാൻസിലർമാർ ആകരുതെന്ന കമ്മീഷൻ റിപ്പോർട്ടുകൾ ശരിവക്കുന്നതാണ് ഇപ്പോള്‍ ഉണ്ടായ സംഭവങ്ങളെന്ന് മന്ത്രി പി.രാജീവ് മാധ്യമങ്ങളോട് പറഞ്ഞു.