ശബരിമല സ്വർണക്കൊള്ള; 'സോണിയ ഗാന്ധിയുടെ വീട്ടിൽ സ്വർണമുണ്ട്'; റെയ്ഡ് ചെയ്ത് അറസ്റ്റ് ചെയ്യണമെന്ന് മന്ത്രി ശിവൻകുട്ടി നിയമസഭയിൽ

'സോണിയ ഗാന്ധിയെ കുറിച്ച് പ്രതിപക്ഷം ഒന്നും മിണ്ടുന്നില്ല. സോണിയ ഗാന്ധിയെ അറസ്റ്റ് ചെയ്ത് ചോദ്യം ചെയ്യണം. സോണിയ ഗാന്ധിയുടെ വീട് റെയ്ഡ് ചെയ്യണം. സോണിയയുടെ വീട്ടിൽ സ്വർണമുണ്ട്' - ശിവൻകുട്ടി പറഞ്ഞു.

ഉണ്ണികൃഷ്ണൻ‌ പോറ്റി സോണിയയുടെ വീട്ടിൽ രണ്ടു തവണ പോയിട്ടുണ്ട്. അവരുടെ കൈയിൽ സ്വർണം കെട്ടികൊടുത്തിട്ടുണ്ട്. അത് എവിടുത്തെ സ്വർണമാണെന്ന് പറയണമെന്നും ശിവൻകുട്ടി കൂട്ടിച്ചേർത്തു. 'പോറ്റിയേ.. കേറ്റിയേ...' എന്ന് പ്രതിപക്ഷ സഭയിൽ പാടിയപ്പോൾ 'സ്വർണം കട്ടത് ആരപ്പാ കോൺഗ്രസാണ് അയ്യപ്പ' എന്ന് ശിവൻകുട്ടിയുടെ നേതൃത്വത്തിൽ ഭരണപക്ഷം തിരിച്ച് പാടുകയും ചെയ്തു.

സോണിയയുടെ അടുത്ത് എന്തിനാണ് പോറ്റിയെ രണ്ട് തവണ കൊണ്ടുപോയതെന്നും ആരാണ് കൊണ്ടുപോയതെന്നും ശിവൻകുട്ടി ചോദിച്ചു. പ്രതിപക്ഷപ്രതിഷേധത്തിനൊടുവിൽ നിയമസഭ ഇന്നത്തേക്ക് പിരിഞ്ഞു.

Summary: Minister V. Sivankutty has stated in the Legislative Assembly that a raid should be conducted at the residence of former Congress President Sonia Gandhi and she should be arrested in connection with the Sabarimala gold robbery case. Minister Sivankutty made these remarks while the Opposition was staging a protest in the Assembly regarding the Sabarimala issue.