'സിപിഎമ്മിന്റെ മുസ്ലീം പ്രീണന നയത്തിനേറ്റ തിരിച്ചടിയാണ് തെരഞ്ഞെടുപ്പ് ഫലം'; എം.കെ മുനീർ

ലോക്സഭ തിരഞ്ഞെടുപ്പിൽ സമസ്തയടക്കം വോട്ട് ചെയ്തിട്ടുണ്ടെന്നും അതിനാലാണ് മലപ്പുറം സ്ഥാനാര്‍ത്ഥി ഇ ടി മുഹമ്മദ് ബഷീർ വലിയ ഭൂരിപക്ഷത്തോടെ വിജയിച്ചതെന്നും എം.കെ മുനീർ പറഞ്ഞു. പിണറായി വിജയൻ തിരഞ്ഞെടുപ്പിനു മുന്നോടിയായി ഒരു മുസ്ലീം പ്രീണനം നടത്താൻ വേണ്ടി ശ്രമിച്ചെന്നും. അതിനായി പലസ്തീൻ റാലി,സിഎഎ വിരുദ്ധ റാലി എന്നീവ സംഘടിപ്പിച്ചെന്നും എന്നാല്‍ ഇതിലൊക്കെ സംസാരിച്ചത് രാഹുൽ ഗാന്ധിക്കെതിരെയാണെന്നും അദ്ദേഹം പറഞ്ഞു. ഇടതു പക്ഷത്തുള്ളവര്‍ക്ക് അവിടെ നിൽക്കണോ എന്ന് സംശയം നിലനിൽക്കുന്ന ഒരു സമയം കൂടിയാണിതെന്നും മുനീർ‍ പറഞ്ഞു.