മോഹൻലാൽ KSRTC ഗുഡ്‌വിൽ അംബാസഡർ ; പരസ്യത്തിൽ സൗജന്യമായി അഭിനയിക്കുമെന്ന് മന്ത്രി ഗണേഷ്

തിരുവനന്തപുരം: ഗതാഗത മന്ത്രി കെ.ബി. ഗണേഷ് കുമാറിന്റെ നേതൃത്വത്തിൽ കെഎസ്ആർടിസിയിൽ നിരവധി പദ്ധതികളാണ് നടക്കുന്നത്. പ്രതിദിന വരുമാനം 13.01 കോടി രൂപ എന്ന റെക്കോർഡ് നേട്ടത്തിൽ എത്തിയതിന് പിന്നാലെ മറ്റൊരു പ്രഖ്യാപനം നടത്തിയിരിക്കുകയാണ് മന്ത്രി. മലയാളത്തിന്റെ സൂപ്പർ സ്റ്റാർ മോഹൻലാൽ കെഎസ്ആർടിസിയുടെ ഗുഡ്‌വിൽ അംബാസഡറായി എത്തുമെന്നാണ് ​ഗണേഷ് കുമാർ അറിയിച്ചിരിക്കുന്നത്. പ്രതിഫലം വാങ്ങാതെയാണ് താരം ഈ ദൗത്യം ഏറ്റെടുക്കുന്നതെന്നും മന്ത്രി ഉറപ്പുനൽകി. ഇതോടെ ലാലേട്ടനെ ഉൾപ്പെടുത്തി കെഎസ്ആർടിസിയുടെ വൻകിട പരസ്യപ്രചാരണങ്ങൾ നടത്താനാണ് വകുപ്പ് ലക്ഷ്യമിടുന്നത്.