ആൾക്കൂട്ടത്തിലേക്ക് വാഹനം ഇടിച്ചുകയറി അമ്മയും മകളും മരിച്ച സംഭവം; ഡ്രൈവർ മദ്യപിച്ച് ഭാര്യയുമായി വഴക്കിട്ടു

ഞായറാഴ്ച രാത്രി 10:30 ഓടെ വർക്കല-ആറ്റിങ്ങൽ റോഡിൽ കൂട്ടിക്കട ഭാഗത്താണ് അപകടം സംഭവിച്ചത്.വർക്കലയിൽനിന്ന് കവലയൂർ ഭാഗത്തേക്ക് പോയ റിക്കവറി വാഹനം അമിതവേഗത്തിൽ ആൾക്കൂട്ടത്തിനിടയിലേക്ക് ഇടിച്ചുകയറിയതാണ് അപകടത്തിന് കാരണം. അപകടത്തിനുശേഷം ഡ്രൈവർ വാഹനം ഉപേക്ഷിച്ച് ഓടിരക്ഷപ്പെട്ടു. വാഹനത്തിൽനിന്ന് മദ്യക്കുപ്പികൾ കണ്ടെടുത്തിട്ടുണ്ട്.