'നേട്ടങ്ങൾ കൈ നീട്ടി വാങ്ങുകയും കോട്ടങ്ങൾക്ക് ഉത്തരവാദിത്വമില്ലെന്നു പറയുകയും ചെയ്യുന്നത് വില കുറഞ്ഞ രാഷ്ട്രീയം': കാനം രാജേന്ദ്രൻ

ഭട്ടിൻഡ പാർട്ടി കോൺഗ്രസിൽ ഉരുത്തിരിഞ്ഞ ആശയമാണ് ഇടതു മുന്നണി. പരസ്പരം പോരടിച്ചു നിന്ന പാർട്ടികളാണ് മുന്നണിയായത്. രാഷ്ട്രീയ തീരുമാനത്തിൻ്റെ ഭാഗമാണത്. എൽ ഡി എഫിന്റെ രാഷ്ട്രീയ ദൗത്യങ്ങൾ നിറവേറ്റുക സി പി ഐയുടെ രാഷ്ട്രീയ കടമയാണ്. അതിനാൽ മുന്നണിയെ ദുർബലപ്പെടുത്താനുള്ള ശ്രമങ്ങൾക്കെതിരെ നിതാന്ത ജാഗ്രത വേണം. എൽ ഡി എഫ് ഉയർത്തിയ രാഷ്ട്രീയ നിലപാടിൽ വ്യതിയാനമുണ്ടായപ്പോഴൊക്കെ സി പി ഐ തിരുത്തി. അതു തുടരുമെന്നും രാഷ്ട്രീയ റിപ്പോർട്ടിൽ പറയുന്നു.

മുന്നണിയുടെ നേട്ടങ്ങളും കോട്ടങ്ങളും ഘടകകക്ഷികൾ വീതം വച്ചെടുക്കണമെന്ന് കാനം രാജേന്ദ്രൻ പറഞ്ഞു. മുന്നണി ആകുമ്പോൾ നേട്ടങ്ങളും കോട്ടങ്ങളും ഉണ്ടാകും

അത് കക്ഷികൾ വീതം വച്ചെടുക്കണം. സുഖദുഃഖങ്ങളും അതിൻറെ ഭാഗമായി ഉണ്ടാകുന്ന കാര്യങ്ങളും കക്ഷികൾക്ക് അവകാശപ്പെട്ടതാണ്. നേട്ടങ്ങൾ വരുമ്പോൾ കൈ നീട്ടി വാങ്ങുകയും കോട്ടം വരുമ്പോൾ ഞങ്ങൾക്ക് ഉത്തരവാദിത്വമില്ലെന്നു പറയുകയും ചെയ്യുന്ന വിലകുറഞ്ഞ രാഷ്ട്രീയമല്ല സിപിഐയുടേതെന്നും കാനം രാജേന്ദ്രൻ.

Also Read- AKG centre Attack| 22 ദിവസം കഴിഞ്ഞിട്ടും തെളിവ് ലഭിച്ചില്ല; എകെജി സെന്റർ ആക്രമണ കേസ് അവസാനിപ്പിക്കുന്നു