Latest News Live Updates | ഓഗസ്റ്റ് 18; ഏറ്റവും പുതിയ വാർത്തകൾ ഒറ്റ ക്ലിക്കിൽ

ഇന്നത്തെ പ്രധാന വാർത്തകൾ ഒറ്റനോട്ടത്തിൽ .....

  • News18 Malayalam
  • | August 18, 2022, 13:41 IST
    facebookTwitterLinkedin
    LAST UPDATED 6 MONTHS AGO

    AUTO-REFRESH

    HIGHLIGHTS

    17:1 (IST)

    തൊടുപുഴയിൽ ലോറി  മറിഞ്ഞ്‍ ഒരാൾ മരിച്ചു

    തൊടുപുഴ മുട്ടത്ത് ലോറി  മറിഞ്ഞ്‍ ഒരാൾ മരിച്ചു. ഒരാൾക്ക് ഗുരുതര പരിക്ക്. ഇരുവരെയും തിരിച്ചറിഞ്ഞിട്ടില്ല.ഈരാറ്റുപേട്ട തൊടുപുഴ റോഡിൽ ലോറി ഇരുപതടി താഴ്ചയിലേക്കാണ് മറിഞ്ഞത്.ലോറിയുടെ ക്യാബിനുള്ളിൽ കുടുങ്ങിയവരെ മണിക്കൂറുകൾ നീണ്ട പരിശ്രമത്തിനൊടുവിലാണ് പുറത്തെടുത്തത്. കാഞ്ഞിരപ്പള്ളിയിൽ നിന്ന് തൊടുപുഴയിലേക്ക് റബർ പാലുമായി വരികയായിരുന്നു വാഹനം. പൊലീസും ഫയർഫോഴ്സും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. പരുക്കേറ്റവരെ  തൊടുപുഴയിലെ സ്വകാര്യ ആശുപത്രിയിലാണ് ചികിൽസയ്ക്കായി കൊണ്ടുവന്നത് 

    16:51 (IST)

    നെഹ്റു ട്രോഫി;പത്ത് ജില്ലകളിൽ  ടിക്കറ്റ് 

    ആലപ്പുഴ: 68-ാമത് നെഹ്റു ട്രോഫി ജലോത്സവത്തിന്‍റെ നേരിട്ടുള്ള ടിക്കറ്റു വിൽപന മറ്റ് ജില്ലകളിൽ ഇന്ന് ആരംഭിക്കും. സർക്കാർ ഓഫീസുകൾ മുഖേനയാണ് ടിക്കറ്റുകൾ വിൽക്കുനത്. ഇടുക്കി, വയനാട്, കണ്ണൂർ, കാസർകോട് ഒഴികെ മറ്റെല്ലാ ജില്ലകളിലും വിൽപനയ്ക്കുള്ള സംവിധാനങ്ങൾ പൂർത്തിയായി. 

    100 രൂപ മുതൽ 3000 രൂപ വരെയുള്ള ടിക്കറ്റുകളാണ്  ലഭിക്കുക.  ഓൺലൈനില്‍ ഇതുവരെ ഒന്നര ലക്ഷം രൂപയുടെ ടിക്കറ്റുകള്‍ വിറ്റു. ജില്ലയില്‍ നേരിട്ടുള്ള ടിക്കറ്റ് വില്‍പ്പന ബുധനാഴ്ച്ചയാണ് ആരംഭിച്ചത്. ഇതുവരെ 50,000 രൂപയുടെ  ടിക്കറ്റുകളുടെ വില്‍പ്പന നടന്നു. 

    16:50 (IST)

    വഞ്ചിപ്പാട്ട് മത്സരം; വിധികര്‍ത്താക്കളെ ക്ഷണിച്ചു

    നെഹ്റു ട്രോഫി വള്ളംകളിയോടനുബന്ധിച്ചുള്ള വഞ്ചിപ്പാട്ട് മത്സരത്തില്‍ വിധികര്‍ത്താവാകാന്‍ താല്പര്യമുള്ളവരില്‍ നിന്നും അപേക്ഷ ക്ഷണിച്ചു. 

    വഞ്ചിപ്പാട്ട് മത്സരത്തില്‍ വിധികര്‍ത്താവായി പ്രവര്‍ത്തിച്ച് പരിചയമുള്ള മലയാള സാഹിത്യ ബിരുദധാരികളെയാണ് പരിഗണിക്കുന്നത്. അവസാന തിയതി ഓഗസ്റ്റ് 26. വിലാസം- എക്സിക്യൂട്ടീവ് എന്‍ജിനീയര്‍ ആന്‍ഡ് കണ്‍വീനര്‍, എന്‍.ടി.ബി.ആര്‍.- 2022, ഇറിഗേഷന്‍ ഡിവിഷന്‍, മിനി സിവില്‍ സ്റ്റേഷന്‍ രണ്ടാം നില ആലപ്പുഴ.

    16:50 (IST)

    ഓഫീസ്  പ്രവര്‍ത്തനമാരംഭിച്ചു 

    നെഹ്റുട്രോഫി വള്ളംകളിയുടെ (എന്‍.ടി.ബി.ആര്‍)  ഓഫീസ് ആലപ്പുഴ റവന്യൂ ഡിവിഷണല്‍ ഓഫീസില്‍ പി.പി. ചിത്തരഞ്ജന്‍ എം.എല്‍.എ. ഉദ്ഘാടനം ചെയ്തു.  എന്‍.ടി.ബി.ആര്‍. സൊസൈറ്റി സെക്രട്ടറിയായ സബ് കളക്ടര്‍ സൂരജ് ഷാജി, അംഗങ്ങളായ എസ്.എം. ഇഖ്ബാല്‍, ജോണി മുക്കം, റെജി ജോബ്, പി.എ. ഷെരീഫ്, കെ.ജി. വിനോദ്, പി.ഡി. സുധി, ഹാരിസ് രാജ, എ. ഉനൈസ്, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

    14:1 (IST)

    മലപ്പുറം ജില്ലയിൽ വൻ മയക്കുമരുന്ന് വേട്ട.

    112 ഗ്രാം എംഡിഎംഎയുമായി മലപ്പുറം കാക്കഞ്ചേരി സ്വദേശി ഷക്കീൽ ഹർഷാദ് പിടിയിൽ. ഇയാളുടെ കാക്കഞ്ചേരിയിലെ വീട്ടിൽ നടത്തിയ പരിശോധനയിൽ 100 ഗ്രാം ക്രിസ്റ്റൽ എംഡിഎംഎയും 80 ഗ്രാം ക്യാപ്‌സ്യൂൾ എംഡിഎംഎ യും പിടിച്ചെടുത്തു. കോഴിക്കോട് സിറ്റി ക്രൈം സ്‌ക്വാഡും ഡാൻസാഫും ചേർന്നാണ് പരിശോധന നടത്തിയത്.

    13:44 (IST)

     നെഹ്‌റു ട്രോഫി ജലോത്സവത്തിന് വഞ്ചിപ്പാട്ട് പാടാം; വിധികർത്താക്കളാകാം 

    ആലപ്പുഴ: നെഹ്‌റു ട്രോഫി ജലോത്സവത്തിനു മുന്നോടിയായുള്ള വഞ്ചിപ്പാട്ട് മത്സരത്തിൽ പങ്കെടുക്കാൻ താൽപര്യമുള്ള ടീമുകൾ 20 മുതൽ 25 വരെ ആലപ്പുഴ ഇറിഗേഷൻ ഡിവിഷൻ ഓഫിസിൽ പേര് റജിസ്റ്റർ ചെയ്യേണ്ടതാണ്. 31നാണ് വഞ്ചിപ്പാട്ട് മത്സരം. ജൂനിയർ, സീനിയർ വിദ്യാർത്ഥി, വിദ്യാർത്ഥിനി വിഭാഗം, ആറന്മുള ശൈലി പുരുഷവിഭാഗം, വെച്ചുപാട്ട് കുട്ടനാട് ശൈലി (വനിത, പുരുഷൻ) എന്നീ വിഭാഗങ്ങളിലാണ് മത്സരം. ഓരോ വിഭാഗത്തിലും ആദ്യം റജിസ്റ്റർ ചെയ്യുന്ന 25 ടീമുകളെ മാത്രമേ പങ്കെടുപ്പിക്കൂ. വഞ്ചിപ്പാട്ട് മത്സരത്തിൽ വിധികർത്താവാകാൻ താൽപര്യമുള്ളവരിൽ നിന്ന് അപേക്ഷ ക്ഷണിച്ചിട്ടുണ്ട്.വള്ളംകളി പബ്ലിസിറ്റി കമ്മിറ്റി വിദ്യാർത്ഥികൾക്കായി നടത്തുന്ന നിറച്ചാർത്ത് മത്സരങ്ങൾ 20നു രാവിലെ 10.30നു ലിയോ തേർട്ടീന്ത് ഹയർ സെക്കൻഡറി സ്കൂൾ ഓഡിറ്റോറിയത്തിൽ നടക്കും.നെഹ്രു ട്രോഫി വള്ളംകളിയുടെ പന്തൽ കാൽനാട്ട് കർമ്മം പുന്നമട ഫിനിഷിങ് പോയിന്റിൽ ജില്ലാ കലക്ടർ വി.ആർ. കൃഷ്ണ തേജ നിർവഹിച്ചു.

    18 August 2022 News Highlights: സമ്പന്നമായ വാർത്താദിനമാണ് ഇന്ന്. ശ്രീകൃഷ്ണ ജയന്തിയോടനുബന്ധിച്ച യോഭായാത്രകൾക്ക് അൽപ സമയത്തിനകം തുടക്കമാകും. പ്രിയവർഗീസിന്റെ നിയമനം മരവിപ്പിച്ച ഗവർണറുടെ നടപടി, വിഴിഞ്ഞം തുറമുഖത്തിനെതിരായ സമരം, ഡോ. എം കെ മുനീറിന്റെ വിവാദ പരാമർശം, കോട്ടയത്തെ തെരുവുനാ‌യ ആക്രമണം ഉൾപ്പെടെയുള്ള പ്രധാന വാർത്തകൾ വായിക്കാം.