കോൺഗ്രസ് 'മുക്ത്' ജില്ലകളുടെ എണ്ണം അഞ്ചായി: മൂന്നിലൊന്ന് എംഎൽഎമാരും എറണാകുളത്ത്

Kerala By Election Result | കോന്നിയിൽ പി. മോഹൻരാജ് പരാജയപ്പെട്ടതോടെ കേരളത്തിൽ കോൺഗ്രസിന് നിയമസഭാ പ്രതിനിധ്യമില്ലാത്ത ജില്ലകളുടെ എണ്ണം അഞ്ചായി. കൊല്ലം, പത്തനംതിട്ട, കോഴിക്കോട്, കാസർകോട്, ഇടുക്കി എന്നീ ജില്ലകളിൽ നിന്നും കോൺഗ്രസ് എം എൽ എമാരില്ല. ആകെയുള്ള എം എൽ എമാരുടെ എണ്ണത്തിലും കുറവ് സംഭവിച്ചു. കോന്നിയും വട്ടിയൂർക്കാവും നഷ്ടമായപ്പോൾ അകെ അംഗങ്ങളുടെ എണ്ണം 21 ആയി. ഇതിൽ മൂന്നിലൊന്നും എറണാകുളം ജില്ലയിൽ നിന്നാണ്. തിരുവനന്തപുരം ജില്ലയിൽ മൂന്ന് കോൺഗ്രസ് എംഎൽമാരാണുള്ളത്.