തദ്ദേശ തെരഞ്ഞെടുപ്പ് ഫലം: ഒടുവിലത്തെ കണക്ക് എൽഡിഎഫ് 10,114 വാർഡുകൾ; യുഡിഎഫ് 8,022; എൻഡിഎ1,600

ത്രിതല പഞ്ചായത്തുകളും മുനിസിപ്പാലിറ്റികളും കോർപറേഷനും ചേർത്ത് ഇത്തവണ എൽഡിഎഫിന് കിട്ടിയത് 10,114 വാർഡുകളാണ്. 8190 വാർഡുകൾ നേടിയ സിപിഎമ്മാണ് ഏറ്റവും വലിയ കക്ഷി. 2015ൽ സിപിഎം നേടിയത് 7982 വാർഡുകളായിരുന്നു. 2015ൽ എൽഡിഎഫിന് ആകെ കിട്ടിയത് 10,340 വാർഡുകളും. കഴിഞ്ഞ തദ്ദേശ തെര‍ഞ്ഞെടുപ്പിനെ അപേക്ഷിച്ച് എൽഡിഎഫിന് 226 വാർഡുകൾ കുറഞ്ഞു. എന്നാൽ, സിപിഎമ്മിന് 208 വാർഡുകൾ കൂടി.

യുഡിഎഫ് ഇത്തവണ 8022 വാർഡുകളിലാണ് വിജയിച്ചത്. 5551 വാർഡുകൾ നേടിയ കോൺഗ്രസാണ് ഏറ്റവും വലിയ രണ്ടാമത്തെ കക്ഷി. 2015ൽ 5784 വാർഡുകൾ കോൺഗ്രസിനുണ്ടായിരുന്നു. അന്ന് യുഡിഎഫിന് ആകെ 8847 വാർഡുകൾ കിട്ടി. യുഡിഎഫിന് കഴിഞ്ഞ തദ്ദേശ തെരഞ്ഞെടുപ്പിനെ അപേക്ഷിച്ച് 825 വാർഡുകൾ കുറഞ്ഞു. കോൺഗ്രസിന് കുറഞ്ഞത് 233 വാർഡുകൾ.

തെരഞ്ഞെടുപ്പ് കമ്മീഷന്റെ കണക്കനുസരിച്ച് വാർഡുകൾ കൂടിയത് മുന്നണികളിൽ എൻഡിഎക്ക് മാത്രമാണ്. 2015ൽ 1244 വാർഡുകൾ കിട്ടിയത് ഇപ്പോൾ ഇത് 1600 ആയി. അതിൽ 1596ഉം ബിജെപിക്കാണ്. 2015ൽ 1244 വാർഡുകളാണ് ബിജെപിക്ക് കിട്ടിയതെന്നും മാതൃഭൂമി റിപ്പോർട്ട് ചെയ്യുന്നു.

എൽഡിഎഫിന്റെ ഭാഗമായ കേരള കോൺഗ്രസ് ജോസ് കെ മാണി വിഭാഗത്തിന് 355ഉം യുഡിഎഫിൽ നിൽക്കുന്ന ജോസഫ് വിഭാഗത്തിന് 255ഉം വാർഡുകൾ ലഭിച്ചു. ഇവർ ഒരുമിച്ച് യുഡിഎഫിലായിരുന്ന 2015ൽ കിട്ടിയത് 630 വാർഡുകളാണ്.

സിപിഎം- 8190

കോൺഗ്രസ്- 5551

ബിജെപി- 1596

സ്വതന്ത്രർ- 1870