K Rail |'നമ്മുടേതെന്ന് പറയുന്ന ഭൂമി പോലും സർക്കാരിന്റേത്; കെ റെയിലിനായി എല്ലാവരും ഒത്തൊരുമിച്ച് പ്രവര്‍ത്തിക്കണം'; ഒമർ ലുലു

കെ റെയിൽ ( K Rail) പദ്ധതിയുടെ ഭാഗമായി സർവേക്കല്ലുകൾ ഇടുന്ന നടപടി സംസ്ഥാനത്ത് പുരോഗമിക്കുകയാണ്. സംസ്ഥാനത്തോട്ടാകെയായി പദ്ധതിക്കെതിരെ പല പ്രതിഷേധങ്ങളാണ് ഉയരുന്നത്. പദ്ധതി എതിർക്കുന്നവരെ പോലെ തന്നെ പദ്ധതിക്ക് അനുകൂല നിലപാട് സ്വീകരിച്ചും രംഗത്തെത്തുന്നവരുണ്ട്. നേരത്തെ പദ്ധതിയെ അനുകൂലിച്ച് രംഗത്തെത്തിയതിന് സംവിധാകയനായ ഒമർ ലുലുവിന് (Omar Lulu) വലിയ വിമർശനങ്ങൾ നേരിടേണ്ടി വന്നിരുന്നു. എന്നാലിപ്പോൾ വിഷയത്തെ സംബന്ധിച്ചുള്ള തന്റെ നിലപാട് വ്യക്തമാക്കി രംഗത്തെത്തിയിരിക്കുകയാണ് സംവിധായകൻ. സംസ്ഥാനത്ത് നിലവിലുള്ള റോഡും റെയിലും വിമാത്താവളങ്ങളും പണ്ട് മാറ്റരുടെയൊക്കെയോ ഭൂമിയായിരുന്നെന്നും നമ്മുടേതെന്ന് പറയുന്ന ഭൂമി യാഥാർത്ഥത്തിൽ സാരക്കാരിന്റേതാണെന്നു൦ കെ റെയിലിനായി എല്ലാവരും ഒത്തൊരുമിച്ച് പ്രവർത്തിക്കണമെന്നുമാണ് ഒമർ ലുലു അഭിപ്രായപ്പെട്ടത്. ഫേസ്‌ബുക്കിൽ പങ്കുവെച്ച ഒരു കുറിപ്പിലായിരുന്നു അദ്ദേഹം ഇക്കാര്യം വ്യക്തമാക്കിയത്.