മുത്തലാഖ്: കുഞ്ഞാലിക്കുട്ടി നേരിടുന്നത് അഗ്നി പരീക്ഷ; പാർട്ടിക്കുള്ളിൽ നിന്നും ഇതാദ്യം

സമുദായത്തെ സംബന്ധിച്ചിടത്തോളം സുപ്രധാനമായ ഒരു വിഷയത്തിൽ കുഞ്ഞാലിക്കുട്ടിയെ പോലൊരു നേതാവിന് ഇത്തരമൊരു വീഴ്ച സംഭവിക്കാൻ പാടില്ലായിരുന്നുവെന്ന പൊതുവികാരമാണ് പാര്‍ട്ടിക്കുള്ളിലുള്ളത്. മുത്തലാഖ് ബില്‍ ലോക്സഭ പരിഗണനയ്ക്കെടുത്ത ദിവസം കുഞ്ഞാലിക്കുട്ടി സഭയിലെത്താത്തതാണ് വിവാദമായത്. പൊന്നാനി എം.പി. ഇ ടി മുഹമ്മദ് ബഷീർ സഭയിൽ സന്നിഹിതനായിരുന്നുതാനും. മുത്തലാഖ് ചര്‍ച്ചയിലും വോട്ടെടുപ്പിലും പങ്കെടുക്കാതിരുന്ന സംഭവത്തിൽ കുഞ്ഞാലിക്കുട്ടിക്ക് വീഴ്ച പറ്റിയെന്നും ജാഗ്രതകുറവുണ്ടായെന്നും മലപ്പുറം ജില്ലാ സെക്രട്ടറി പാണക്കാട് സയ്യിദ് സാദിഖലി ശിഹാബ് തങ്ങൾ തുറന്നടിച്ചിരുന്നു. കുഞ്ഞാലിക്കുട്ടിയുടെ നടപടിയോട് ലീഗ് സംസ്ഥാന അധ്യക്ഷൻ പാണളുടെ കൈയിൽ ലീഗിനെ തല്ലാനുള്ള വടിനൽകേണ്ടിയിരുന്നില്ലെന്ന് ചിന്തിക്കുന്നവരാണ് ലീഗ് നേതാക്കളിൽ ഏറെയും.

മുത്തലാഖ് ബില്ലിന്റെ ചർച്ചയിൽ പങ്കെടുക്കാത്തത് അടുപ്പക്കാരന്റെ വിവാഹസത്കാരത്തിൽ പങ്കെടുക്കാനായിട്ടാണെന്ന പ്രചരണമാണ് എതിരാളികൾ ഉന്നയിച്ചത്. ലീഗ് വിരുദ്ധർ ഇതൊരു രാഷ്ട്രീയ ആയുധമാക്കിയപ്പോൾ ലീഗിനോട് ചേർന്നുനിൽക്കുന്ന സമസ്ത ഇ.കെ. വിഭാഗത്തിനും കുഞ്ഞാലിക്കുട്ടിയുടെ

മലപ്പുറം ഉപതെരഞ്ഞെടുപ്പിൽ വിജയിച്ചതിന് പിന്നാലെ പാർലമെന്റിൽ നടന്ന ഉപരാഷ്ട്രപതി തെരഞ്ഞെടുപ്പിൽ പി.കെ. കുഞ്ഞാലിക്കുട്ടി വോട്ട് ചെയ്യാത്തതും

കോൺഗ്രസും ലീഗും അടക്കമുള്ള പ്രതിപക്ഷ കക്ഷികൾ ഏറെ പ്രാധാന്യത്തോടെ കാണുന്ന ലോക്സഭാ തെരഞ്ഞെടുപ്പിനുള്ള കാഹളം മുഴങ്ങുന്ന വേളയിൽ തന്നെയാണ് കുഞ്ഞാലിക്കുട്ടിക്കെതിരെ ആരോപണം ഉയരുന്നത്. 2019ലെ ലോക്സഭാ തെരഞ്ഞെടുപ്പിൽ മലപ്പുറത്ത് നിന്നും വീണ്ടും കുഞ്ഞാലിക്കുട്ടി മത്സരിച്ചേക്കുമെന്ന വാർത്തകള്‍ വന്നതിന് പിന്നാലെയാണ് മുത്തലാഖ് വിവാദമുയരുന്നത്. കുറച്ചുനാൾ മുൻപ് കുഞ്ഞാലിക്കുട്ടി വീണ്ടും കേരള രാഷ്ട്രീയത്തിലേക്ക് മടങ്ങുന്നുവെന്നതരത്തില്‍ പ്രചരണമുണ്ടായിരുന്നു. കേരളത്തിലെ യുഡിഎഫ് നേതൃത്വത്തെ ശക്തിപ്പെടുത്താൻ അദ്ദേഹത്തിന്റെ സാന്നിധ്യം അനിവാര്യമെന്ന തരത്തിലായിരുന്നു പ്രചരണം. എന്നാൽ അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പുകളിലേക്ക് നടന്ന തെരഞ്ഞെടുപ്പിൽ കോൺഗ്രസ് മേൽക്കൈ നേടിയതോടെ കേന്ദ്രത്തിൽ ലീഗ് ഉൾപ്പെടുന്ന യുപിഎ വീണ്ടും അധികാരത്തിലെത്താനുള്ള സാധ്യതകൾക്ക് കൂടിയാണ് ജീവൻവച്ചത്. ഇതോടെയാണ് കുഞ്ഞാലിക്കുട്ടി വീണ്ടും മലപ്പുറത്ത് നിന്ന് ജനവിധി തേടുമെന്ന പ്രചരണം ശക്തമായത്. നിർണായക സമയത്ത് പൊട്ടിമുളച്ച വിവാദം തിരിച്ചടിയാകുമോ എന്ന ഭീതി ലീഗ് നേതൃത്വത്തിനുണ്ട്. അതുകൊണ്ടുതന്നെയാണ് പാർട്ടിയിലെ എല്ലാമെല്ലാമായിട്ടും ചെയ്തത് തെറ്റെന്ന് പറയാൻ ലീഗ് നേതൃത്വം മടിച്ചുനിൽക്കാത്തത്. കാര്യങ്ങളെന്തായാലും നയതന്ത്രജ്ഞതയും പ്രശ്നപരിഹാരത്തിനുള്ള അസാമാന്യ മിടുക്കുമുള്ള കുഞ്ഞാലിക്കുട്ടി ഈ വെല്ലുവിളിയും അനായാസം മറികടക്കുമെന്ന് ചിന്തിക്കുന്നവരാണ് പാർട്ടിയിൽ ഭൂരിഭാഗവും.