യുവതി പാമ്പു കടിയേറ്റു മരിച്ച സംഭവം: മൂർഖൻ പാമ്പിന്റെ പോസ്റ്റുമോർട്ടം റിപ്പോർട്ട് എന്തുകൊണ്ട് നിർണ്ണായകമാകും

ആൺവർഗ്ഗത്തിൽപ്പെട്ട മൂർഖൻ പാമ്പിൻ്റെ നീളം 152 സെൻ്റീമീറ്റർ. 0.6 സെന്റീമീറ്ററാണ് വിഷപ്പല്ലിന് നീളം. ഉത്രയുടെ കൈത്തണ്ടയിൽ കടിയേറ്റ മുറിവുകളുടെയും പാമ്പിന്റെ പല്ലുകളുടെ അകലവും തുല്യമെങ്കിൽ കടിച്ചത് ഈ പാമ്പുതന്നെയെന്ന് ഉറപ്പാകും. ഇതോടൊപ്പം മുറിവിൻ്റെ ആഴവും പരിശോധിക്കും. പാമ്പ് കുറെയേറെ ജീർണിച്ചുവെങ്കിലും പ്രധാനപ്പെട്ട തെളിവുകൾ നഷ്ടപ്പെട്ടില്ല.

അന്വേഷണത്തിൽ പൂർണ്ണ സംതൃപ്തി എന്ന് ഉത്രയുടെ അച്ഛൻ പ്രതികരിച്ചു. നിലവിൽ ക്രൈംബ്രാഞ്ച് കസ്റ്റഡിയിലുള്ള പ്രതി സൂരജിനെ അടുത്ത ദിവസം സ്വന്തം വീട്ടിൽ തെളിവെടുപ്പിന് എത്തിക്കും. പാമ്പുപിടുത്തക്കാരൻ സുരേഷും കസ്റ്റഡിയിലുണ്ട്.