യതീഷ് ചന്ദ്രക്കെതിരെ കേന്ദ്രമന്ത്രി പൊൻ രാധാകൃഷ്ണന്‍റെ അവകാശ ലംഘന നോട്ടീസ്

ശബരിമല വിഷയം ഉന്നയിക്കവെയാണ് കേന്ദ്രമന്ത്രി യതീഷ് ചന്ദ്രക്കെതിരെ രംഗത്തെത്തിയത്. ശബരിമല ദർശനത്തിനെത്തിയ കേന്ദ്രമന്ത്രിയെ എസ് പി നിലക്കലിൽ തടഞ്ഞതും അവർ തമ്മിലുണ്ടായ വാക്ക് തർക്കവും വാർത്താ പ്രാധാന്യം നേടിയിരുന്നു. ഈ വിഷയത്തിലാണ് പൊൻ രാധാകൃഷ്ണന്റെ അവകാശലംഘന നോട്ടീസ്.

ശബരിമലയുമായി ബന്ധപ്പെട്ട് മറ്റനവധി വിമർശനങ്ങളും പൊന്‍ രാധാകൃഷണൻ ഇന്ന് സഭയിൽ ഉന്നയിച്ചിട്ടുണ്ട്. സ്വകാര്യവാഹനങ്ങള്‍ മുകളിലേക്ക് വിടാതിരിക്കാനുള്ള സാഹചര്യം പോലീസ് സൃഷ്ടിച്ചുവെന്നാണ് മുഖ്യ ആരോപണം.ഈ നടപടി തീര്‍ഥാടകര്‍ക്ക് വലിയ അസൗകര്യം സൃഷ്ടിക്കുന്നുവെന്നും കേന്ദ്രമന്ത്രി അറിയിച്ചിട്ടുണ്ട്.