വിട്ടുവീഴ്ചയ്ക്കില്ലാതെ വിശ്വാസികൾ: കോതമംഗലം ചെറിയ പള്ളിയിൽ രണ്ടാം ദിനവും സംഘർഷാവസ്ഥ

പ്രാർത്ഥന നടത്താതെ തിരികെ പോകില്ലെന്ന നിലപാട് റമ്പാനും സ്വീകരിച്ചതോടെ പ്രതിഷേധം ശക്തമാവുകയായിരുന്നു. യാക്കോബായ വിശ്വാസികളുടെ പ്രതിഷേധവും എതിർപ്പും രണ്ടാംദിനവും ശക്തമായി തന്നെ തുടരുമ്പോഴും പ്രാർഥന നടത്താതെ മടങ്ങില്ലെന്ന് നിലപാടിൽ റമ്പാൻ ഉറച്ചു നിന്നതോടെ പൊലീസും വെട്ടിലായിരിക്കുകയാണ്. കോടതി അനുമതിയോടെ പ്രാർത്ഥനയ്ക്കായെത്തിയ തനിക്ക് സംരക്ഷണം നൽകേണ്ടത് പൊലീസാണെന്ന വാദത്തിലാണ് അദ്ദേഹം. അനുനയത്തിനുള്ള ശ്രമങ്ങളും പരാജയപ്പെട്ടു.