'ദേവസ്വം മന്ത്രിയെ മിത്തിസം മന്ത്രി എന്നും ഭണ്ടാരത്തിൽ നിന്നും കിട്ടുന്ന പണത്തെ മിത്തുമണി എന്നും വിളിക്കണം' സലിം കുമാറിൻ്റെ ഒരു ഇത്

ഗണപതി എന്നത് ‘മിത്ത്’ (കെട്ടുകഥ) ആണെന്നും ശാസ്ത്രീയമായ ഒന്നല്ല എന്ന സ്പീക്കർ ഷംസീറിന്റെ വിവാദ പരാമർശം കേരളത്തിൽ ഏറെ ചർച്ചകൾക്കും വിവാദങ്ങൾക്കും വഴിവച്ചിരുന്നു. പരാമർശത്തിൽ പ്രതിഷേധിച്ച് എൻ.എസ്.എസിന്റെ നേതൃത്വത്തിൽ ബുധനാഴ്ച വിശ്വാസ സംരക്ഷണ ദിനമായി ആചരിക്കുകയും ഗണപതി ക്ഷേത്രങ്ങളിൽ പ്രത്യേക പ്രാർത്ഥന നടത്തുകയുമുണ്ടായി. സ്പീക്കർ മാപ്പ് പറയണമെന്ന് ആവശ്യപ്പെട്ട് തിരുവനന്തപുരത്ത് നാമജപയാത്രയും നടത്തി.