'ദി കേരള സ്റ്റോറി' സിനിമയിലൂടെ കേരളത്തെക്കുറിച്ച് വ്യാജപ്രചാരണങ്ങൾക്കെതിരെ എസ്എഫ്ഐയുടെ ബീഫ് ഫെസ്റ്റ്

സിനിമയിലൂടെ സമൂഹത്തിൽ വിദ്വേഷം പടർത്താനുള്ള ബോധപൂർവമായ ശ്രമങ്ങളെ വിദ്യാർത്ഥി സമൂഹം ശക്തമായി പ്രതിരോധിക്കുമെന്ന് പ്രതിഷേധക്കാർ പ്രഖ്യാപിച്ചു. നൂറുകണക്കിന് വിദ്യാർത്ഥികളാണ് പ്രതിഷേധത്തിന്റെ ഭാഗമായി മാനവീയം വീഥിയിൽ ഒത്തുകൂടിയത്.

എസ്എഫ്ഐ ജില്ലാ സെക്രട്ടറി എം.എ. നന്ദൻ, പ്രസിഡന്റ് ആർ. അവിനാശ് എന്നിവർ ചടങ്ങിൽ സംസാരിച്ചു. ജില്ലാ ഭാരവാഹികളായ ആശിഷ്, അർജുൻ, സഞ്ജയ്, അവ്യ, ആനന്ദ്, ആഷിക്ക്, ശ്രീജിത്ത് തുടങ്ങിയവർ പ്രതിഷേധത്തിന് നേതൃത്വം നൽകി. കേരളത്തിന്റെ മതസൗഹാർദ്ദവും സാമൂഹികാന്തരീക്ഷവും തകർക്കാൻ അനുവദിക്കില്ലെന്നും എസ്എഫ്ഐ ഭാരവാഹികൾ കൂട്ടിച്ചേർത്തു.