Oommen Chandy | മരണം വെളിച്ചത്തെ കെടുത്തുന്നില്ല; ടാഗോറിന്റെ വരികൾ നിരത്തി ഉമ്മൻ ചാണ്ടിക്ക് തരൂരിന്റെ അന്ത്യാഞ്ജലി

‘മരണം വെളിച്ചത്തെ കെടുത്തുന്നില്ല, പ്രഭാതം വരുവാനായി അത് വിളക്ക് അണയ്ക്കുക മാത്രമാണ്, ഈ വരികളാണ് തരൂർ തന്റെ ട്വിറ്റർ പോസ്റ്റിൽ കുറിച്ചത്. ഒപ്പം ചാണ്ടിയും തരൂരും ചേർന്ന് നിൽക്കുന്ന രണ്ടു ചിത്രങ്ങളും.

ജർമ്മനിയിൽ ചാണ്ടിക്ക് ചികിത്സ തേടാൻ മുൻകൈ എടുത്തത് തരൂരാണ്. ചാണ്ടിയും തരൂരിലെ നേതൃപാടവം കണ്ടെത്തിയിരുന്നു. അദ്ദേഹം പറഞ്ഞ വാക്കുകളിലേക്ക്:

‘തരൂർ പാർട്ടിയുടെ മുതൽക്കൂട്ടാണ്, അദ്ദേഹത്തെ അവഗണിക്കാൻ ആർക്കും കഴിയില്ല. മുതിർന്ന നേതാവായ അദ്ദേഹം പാർട്ടി കേഡർമാർക്കിടയിൽ, പ്രത്യേകിച്ച് യുവാക്കൾക്കിടയിൽ, വളരെയധികം സ്വാധീനം ചെലുത്തുന്നു. ഇവിടെ രാഷ്ട്രീയത്തിൽ വന്നപ്പോൾ പാർട്ടി അദ്ദേഹത്തിന് ഒരു പ്രധാന സീറ്റ് നൽകി, അത് മൂന്ന് തവണ നിലനിർത്തി. സംസ്ഥാന രാഷ്ട്രീയത്തിലും അദ്ദേഹത്തിന് സജീവമായ പങ്ക് വഹിക്കാൻ കഴിയുമെന്നതിൽ സംശയമില്ല. ചില നേതാക്കൾ അദ്ദേഹത്തിന്റെ പരിപാടികളിൽ നിന്ന് വിട്ടുനിൽക്കുന്നത് ഞാൻ കേട്ടു, അത് നല്ലതല്ല. അത്തരം തെറ്റിദ്ധാരണകൾ ഒരിക്കലും ആവർത്തിക്കില്ലെന്ന് ഞാൻ പ്രതീക്ഷിക്കുന്നു,” ഹിന്ദുസ്ഥാൻ ടൈംസിന് നൽകിയ അഭിമുഖത്തിൽ ഉമ്മൻ ചാണ്ടി തരൂരിനെക്കുറിച്ച് പറയുകയുണ്ടായി.