തൃശൂർ പൂരം കലക്കല് ഗൂഢാലോചന അന്വേഷിക്കാൻ പ്രത്യേകസംഘം രൂപീകരിച്ചു
- Published by:Rajesh V
- news18-malayalam
Last Updated:
പൂരം കലക്കലുമായി ബന്ധപ്പെട്ട് എഡിജിപി എം ആര് അജിത്കുമാര് നല്കിയ റിപ്പോര്ട്ട് ഡിജിപിയും ആഭ്യന്തര വകുപ്പും തള്ളിയതിന് പിന്നാലെയാണ് തുടരന്വേഷണത്തിന് തീരുമാനമായത്
തിരുവനന്തപുരം: തൃശൂർ പൂരം കലക്കല് സംബന്ധിച്ച ഗൂഢാലോചനയെക്കുറിച്ച് അന്വേഷിക്കാൻ പ്രത്യേകസംഘം രൂപീകരിച്ചു. ക്രൈംബ്രാഞ്ച് മേധാവി എച്ച് വെങ്കിടേഷിന്റെ കീഴിലാണ് സംഘം പ്രവര്ത്തിക്കുക. ഡിഐജി തോംസണ് ജോസ്, കൊല്ലം റൂറല് എസ് പി സാബു മാത്യു, കൊച്ചി എസിപി പി രാജ്കുമാര്, വിജിലന്സ് ഡിവൈഎസ്പി ബിജു വി നായര്, ഇന്സ്പെക്ടര്മാരായ ചിത്തരഞ്ജന്, ആര് ജയകുമാര് എന്നിവരാണ് സംഘത്തിലുള്ളത്.
പൂരം കലക്കലുമായി ബന്ധപ്പെട്ട് എഡിജിപി എം ആര് അജിത്കുമാര് നല്കിയ റിപ്പോര്ട്ട് ഡിജിപിയും ആഭ്യന്തര വകുപ്പും തള്ളിയതിന് പിന്നാലെയാണ് തുടരന്വേഷണത്തിന് തീരുമാനമായത്. ത്രിതല അന്വേഷണമാണ് പ്രഖ്യാപിച്ചത്. പൂരം കലക്കലുമായി ബന്ധപ്പെട്ട് എം ആര് അജിത്കുമാറിന് ഉണ്ടായ വീഴ്ചകള് ഡി ജി പി ഷെയ്ഖ് ദര്വേഷ് സാഹിബ് അന്വേഷിക്കും.
ഗൂഢാലോചന ക്രൈംബ്രാഞ്ച് എഡിജിപിയായിരിക്കും അന്വേഷിക്കുക. വിഷയത്തില് ഇന്റലിജന്സ് മേധാവിയും അന്വേഷണം നടത്തുന്നുണ്ട്. അതേസമയം എഡിജിപി സമര്പ്പിച്ച അന്വേഷണ റിപ്പോര്ട്ട് സർക്കാർ ഇതുവരെ പുറത്തുവിട്ടിട്ടില്ല.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
Oct 17, 2024 8:32 PM IST
