• HOME
  • »
  • NEWS
  • »
  • kerala
  • »
  • Sriram Venkitaraman| ശ്രീറാം വെങ്കിട്ടരാമൻ വിവാഹിതനാകുന്നു; വധു ആലപ്പുഴ ജില്ലാ കളക്ടര്‍ ഡോ. രേണു രാജ്

Sriram Venkitaraman| ശ്രീറാം വെങ്കിട്ടരാമൻ വിവാഹിതനാകുന്നു; വധു ആലപ്പുഴ ജില്ലാ കളക്ടര്‍ ഡോ. രേണു രാജ്

അടുത്ത ഞായാറാഴ്ച്ച ചോറ്റാനിക്കര ദേവീക്ഷേത്രത്തിൽ വെച്ചായിരിക്കും വിവാഹം

  • Share this:
    തിരുവനന്തപുരം: ആരോഗ്യവകുപ്പ് ജോയിന്റ് സെക്രട്ടറിയും കേരള മെഡിക്കല്‍ സര്‍വീസസ് കോര്‍പറേഷന്‍ എം.ഡിയുമായ ശ്രീറാം വെങ്കിട്ടരാമൻ (Sriram Venkitaraman IAS) വിവാഹിതനാകുന്നു. ആലപ്പുഴ ജില്ലാ കളക്ടര്‍ ഡോ. രേണു രാജ് (Renu Raj IAS)ആണ് വധു.

    വിവാഹം അടുത്തയാഴ്ച്ചയുണ്ടാകുമെന്നാണ് റിപ്പോർട്ടുകൾ. അടുത്ത ബന്ധുക്കൾ മാത്രമാകും വിവാഹത്തിൽ പങ്കെടുക്കുക. അടുത്ത ഞായാറാഴ്ച്ച ചോറ്റാനിക്കര ദേവീക്ഷേത്രത്തിൽ വെച്ചായിരിക്കും വിവാഹം.

    എം.ബി.ബി.എസ്. ബിരുദം പൂര്‍ത്തിയാക്കിയതിന് ശേഷമാണ് രേണുവും ശ്രീറാമും സിവില്‍ സര്‍വീസസിലേക്ക് തിരിയുന്നത്. 2012-ല്‍ രണ്ടാം റാങ്കോടെയാണ് ശ്രീറാം സിവില്‍ സര്‍വീസ് നേടുന്നത്.

    Also Read-മുണ്ടുടുത്ത് പാടവരമ്പത്ത് വിത്തെറിഞ്ഞ് രേണു രാജ്, 30 വര്‍ഷം തരിശ് കിടന്ന ഭൂമിയില്‍ കൃഷിക്ക് തുടക്കമിട്ട് ജില്ലാ കളക്ടര്‍

    ദേവികുളം സബ് കളക്ടറായിരിക്കേ മൂന്നാറിൽ ഭൂമി കയ്യേറിയവർക്ക് എതിരേ ശക്തമായ നടപടികൾ സ്വീകരിച്ചതോടെയാണ് ശ്രീറാം വെങ്കിട്ടരാമൻ മാധ്യമശ്രദ്ധ നേടുന്നത്. എന്നാൽ, 2019-ല്‍ ശ്രീറാം ഓടിച്ച വാഹനം ഇടിച്ച് മാധ്യമപ്രവര്‍ത്തകന്‍ കെ.എം. ബഷീര്‍ മരിച്ചതോടെ ഇദ്ദേഹത്തിനെതിരെ വ്യാപക പ്രതിഷേധവും ഉയര്‍ന്നിരുന്നു.

    Also Read-പ്രേം നസീറിന്റെ വീടും പറമ്പും സൗജന്യമായി തന്നാൽ സർക്കാർ സംരക്ഷിക്കാം: മന്ത്രി സജി ചെറിയാൻ

    കേസിൽ പ്രതിയായതോടെ ശ്രീറാമിനെ സർവീസിൽനിന്ന് സസ്പെൻഡ് ചെയ്തിരുന്നു. പിന്നീട് ദീർഘനാളുകൾക്കു ശേഷമാണ് ആരോഗ്യവകുപ്പിലെത്തുന്നത്.

    2014 ൽ ഐഎഎസ് രണ്ടാം റാങ്കോടെയാണ് രേണു രാജും പാസാകുന്നത്. മൂന്നാർ സബ് കളക്ടർ ആയിരിക്കേ കയ്യേറ്റക്കാർക്കെതിരെ കർശനനിലപാട് എടുത്തതിന്റെ പേരിൽ രേണു രാജും ശ്രദ്ധേയയായിരുന്നു.
    Published by:Naseeba TC
    First published: