സംസ്ഥാനത്ത് രണ്ട് ദിവസം ഡ്രൈ ഡേ; ഏപ്രിൽ 7 വൈകിട്ട് 6 മുതൽ 48 മണിക്കൂർ മദ്യശാലകൾ അടയ്ക്കും

തിരുവനന്തപുരം: നിയമസഭാ തെരഞ്ഞെടുപ്പിനോടനുബന്ധിച്ച് സംസ്ഥാനത്ത് ഡ്രൈ ഡേ പ്രഖ്യാപിച്ചു. വോട്ടെടുപ്പ് സുഗമമായി നടത്തുന്നതിന്റെ ഭാഗമായി ഏപ്രിൽ 7 ചൊവ്വാഴ്ച വൈകുന്നേരം ആറ് മണി മുതൽ വോട്ടെടുപ്പ് അവസാനിക്കുന്ന ഏപ്രിൽ 9 വ്യാഴാഴ്ച വൈകുന്നേരം ആറുവരെ സംസ്ഥാനത്ത് മദ്യവിൽപ്പന പൂർണ്ണമായും തടഞ്ഞിരിക്കുകയാണ്. വോട്ടെടുപ്പ് സമയം അവസാനിക്കുന്നതിന് 48 മണിക്കൂർ മുൻപ് തന്നെ ഈ ഉത്തരവ് നിലവിൽ വരും. കൂടാതെ വോട്ടെണ്ണൽ ദിനമായ മെയ് നാലിനും സംസ്ഥാനത്തെ മദ്യശാലകൾക്ക് പ്രവൃത്തിദിനമായിരിക്കില്ല.