Maharajas College | കറണ്ടില്ല; മഹാരാജാസ് കോളേജിൽ 'മൊബൈൽ ഫ്ലാഷിൽ' പരീക്ഷ എഴുതി വിദ്യാർത്ഥികൾ
- Published by:Jayashankar Av
- news18-malayalam
Last Updated:
വിദ്യാർത്ഥികൾ മൊബൈൽ ഫ്ലാഷ് തെളിയിച്ചു പരീക്ഷ എഴുതുന്ന ചിത്രങ്ങൾ പുറത്ത്.
കൊച്ചി: എറണാകുളം മഹാരാജാസ് കോളജിൽ (Maharajas College) മൊബൈൽ ഫ്ലാഷ് ലൈറ്റ് വെളിച്ചത്തിൽ പരീക്ഷ (Exam) എഴുതി വിദ്യാർത്ഥികൾ. ഇന്ന് നടന്ന ഒന്നാം വർഷ ബിരുദ പരീക്ഷക്കിടെയാണ് സംഭവം നടന്നത്.കോളേജിലെ ഇംഗ്ലീഷ് മെയിൻ ഹാളിൽ വിദ്യാർത്ഥികൾ മൊബൈൽ ഫ്ലാഷ് തെളിയിച്ചു പരീക്ഷ എഴുതുന്ന ചിത്രങ്ങൾ പുറത്ത്.
പരീക്ഷ ഹാളില് മൊബൈല് ഫോണ് അടക്കമുള്ള ഇലക്രോണിക് ഉപകരണങ്ങള് കൊണ്ടുവരരുതെന്ന നിര്ദേശം നിലനില്ക്കെയാണ് സംഭവം നടക്കുന്നത്.
കറണ്ട് പോയതിനെത്തുടര്ന്ന് ഹാളില് വെളിച്ചമില്ലാതായപ്പോള് അധ്യാപകര് മൊബൈല് ഫ്ലാഷ് ലൈറ്റ് ഉപയോഗിക്കാന് വിദ്യാര്ത്ഥികള്ക്ക് അനുമതി നല്കുകയായിരുന്നു എന്നാണ് ലഭിക്കുന്ന വിവരം.
അതേസമയം കോളേജിൽ രാവിലെ മുതൽ കറണ്ടില്ലായിരുന്നെന്നും വിദ്യാർത്ഥികൾ മൊബൈൽ വെളിച്ചത്തിൽ പരീക്ഷ എഴുതിയ കാര്യം ശ്രദ്ധയിൽ പെട്ടിട്ടില്ല എന്നും കോളേജ് അധികൃതർ വ്യക്തമാക്കി. സംഭവത്തെക്കുറിച്ച് അന്വേഷിക്കുമെന്നും അധികൃതർ അറിയിച്ചു.
സംഭവത്തിന്റെ ചിത്രങ്ങള് കോളേജിലെ വിദ്യാര്ത്ഥികള് തന്നെ വാട്സ്ആപ്പ് സ്റ്റാറ്റസ് ആക്കിയിരുന്നു.
advertisement
Farmer Suicide| വീണ്ടും കർഷക ആത്മഹത്യ; പത്തനംതിട്ടയിൽ കർഷകൻ പാടവരമ്പത്തെ മരത്തിൽ തൂങ്ങിമരിച്ച നിലയിൽ
തിരുവല്ല (Thiruvalla) നിരണത്ത് കര്ഷകനെ ആത്മഹത്യ (Farmer Suicide) ചെയ്ത നിലയില് കണ്ടെത്തി. നിരണം കാണാത്ര പറമ്പില് രാജീവ് ആണ് തൂങ്ങി മരിച്ചത്. സാമ്പത്തിക പ്രതിസന്ധിയാണ് ആത്മഹത്യയ്ക്ക് കാരണമെന്നാണ് പ്രാഥമിക നിഗമനം. കാര്ഷിക ആവശ്യങ്ങള്ക്കായി രാജീവ് ബാങ്കില് നിന്ന് വായ്പ എടുത്തിരുന്നുവെന്നാണ് ബന്ധുക്കള് നല്കുന്ന വിവരം. ഞായറാഴ്ച വൈകുന്നേരമാണ് രാജീവിനെ പാട്ടത്തിനെടുത്ത പാടത്തെ വരമ്പിൽ തൂങ്ങിമരിച്ച നിലയില് കണ്ടെത്തിയത്. പൊലീസ് എത്തി മൃതദേഹം തിരുവല്ല താലൂക്ക് ആശുപത്രി മോര്ച്ചറിയിലേക്ക് മാറ്റി. തിങ്കളാഴ്ച 11 മണിയോടെ പോസ്റ്റ്മോര്ട്ടം നടപടികള് പൂര്ത്തിയാക്കി മൃതദേഹം വീട്ടിലെത്തിക്കും.
advertisement
പത്ത് ഏക്കര് ഭൂമിയാണ് രാജീവ് പാട്ടത്തിനെടുത്തത്. കൃഷി ആവശ്യങ്ങള്ക്കായി ബാങ്കില് നിന്ന് വായ്പയും എടുത്തിരുന്നു. എന്നാല് കഴിഞ്ഞ വര്ഷം വ്യാപക കൃഷിനാശം ഉണ്ടായി. സര്ക്കാര് നല്കിയ നഷ്ടപരിഹാരം തുച്ഛമാണെന്ന് കാണിച്ച് രാജീവ് ഉള്പ്പെടെയുള്ള കര്ഷകര് നേരത്തെ ഹൈക്കോടതിയെ സമീപിച്ചിരുന്നു. രാജീവ് കടുത്ത സാമ്പത്തിക പ്രതിസന്ധി നേരിട്ടിരുന്നുവെന്നാണ് ബന്ധുക്കളും അടുത്ത സുഹൃത്തുക്കളും പറയുന്നത്.
(ആത്മഹത്യ ഒന്നിനും പരിഹാരമല്ല.. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക.. Toll free helpline number: 1056, മറ്റ് ഹെൽപ് ലൈൻ നമ്പറുകൾ: പ്രതീക്ഷ (കൊച്ചി ) -048-42448830, മൈത്രി ( കൊച്ചി )- 0484-2540530, ആശ്ര (മുംബൈ )-022-27546669, സ്നേഹ (ചെന്നൈ ) -044-24640050, സുമൈത്രി -(ഡല്ഹി )- 011-23389090, കൂജ് (ഗോവ )- 0832- 2252525, റോഷ്നി (ഹൈദരാബാദ്) -040-66202000)
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Apr 11, 2022 1:52 PM IST
മലയാളം വാർത്തകൾ/ വാർത്ത/Kerala/
Maharajas College | കറണ്ടില്ല; മഹാരാജാസ് കോളേജിൽ 'മൊബൈൽ ഫ്ലാഷിൽ' പരീക്ഷ എഴുതി വിദ്യാർത്ഥികൾ
