ബിനീഷ് കോടിയേരി വിഷയം: താരസംഘടനയായ 'അമ്മ' എടുത്തുചാടി തീരുമാനമെടുക്കേണ്ടതില്ലെന്ന് സുരേഷ് ഗോപി
Last Updated:
ബിനീഷിന്റെ കാര്യത്തിൽ താരസംഘടനയായ അമ്മ ചാടിക്കയറി തീരുമാനം എടുക്കേണ്ടതില്ല. നല്ല പോലെ ആലോചിച്ച ശേഷം മാത്രം തീരുമാനം എടുത്താൽ മതി.
തിരുവനന്തപുരം: മയക്കുമരുന്ന് കേസിൽ ബിനീഷ് കോടിയേരിക്ക് എതിരെ കേന്ദ്ര ഏജൻസികളുടെ ഭാഗത്തു നിന്ന് നടപടികൾ തുടരുന്നതിനിടെ താര സംഘടനയായ അമ്മയുടെ ഭാരവാഹിത്വത്തിൽ നിന്നും ബിനീഷ് കോടിയേരിയെ പുറത്താക്കണമെന്ന ആവശ്യം ഉയർന്നിരുന്നു. കഴിഞ്ഞദിവസം കൊച്ചിയിൽ ചേർന്ന അമ്മയുടെ എക്സിക്യൂട്ടീവ് യോഗത്തിലും ചില അംഗങ്ങൾ ഈ ആവശ്യം ഉന്നയിച്ചിരുന്നു.
എന്നാൽ, തൽക്കാലത്തേക്ക് ബിനീഷ് കോടിയേരിയെ സംഘടനയിൽ നിന്ന് പുറത്താക്കേണ്ടതില്ലെന്ന് അമ്മ നിലപാട് എടുക്കുകയായിരുന്നു. പകരം ബിനീഷിൽ നിന്നും വിശദീകരണം തേടാനും എക്സിക്യൂട്ടീവ് യോഗം തീരുമാനിച്ചു. ഇതിനു പിന്നാലെയാണ് അമ്മയുടെ നടപടിയെ ന്യായീകരിച്ച് സുരേഷ് ഗോപി രംഗത്തെത്തിയത്.
You may also like:കൊറോണയുടെ ക്ഷീണം മാറ്റാൻ ക്രിസ്മസ് ബൾബ് തെളിച്ചു; ബൾബിന് ലിംഗത്തിന്റെ ആകൃതി, ഒടുവിൽ മാപ്പ് പറഞ്ഞ് മേയർ [NEWS]13കാരിയെ പീഡിപ്പിച്ച് ഗർഭിണിയാക്കിയ പിതാവ് പിടിയിൽ; വിദേശത്ത് ജോലി ചെയ്യുന്നയാളെ നാട്ടിലെത്തിച്ചു [NEWS] Viral Video | കോഴിയെ പിടിക്കാൻ ഓടിവന്ന 'അനാകോണ്ട'യെ 'ചൂണ്ട'യിട്ട് പിടിച്ചു; വീഡിയോ വൈറൽ, സത്യമിതാണ് [NEWS]
ബിനീഷിന്റെ കാര്യത്തിൽ താരസംഘടനയായ അമ്മ ചാടിക്കയറി തീരുമാനം എടുക്കേണ്ടതില്ല. നല്ല പോലെ ആലോചിച്ച ശേഷം മാത്രം തീരുമാനം എടുത്താൽ മതി. കേസിൽ അന്വേഷണം നടക്കട്ടെ. നേരത്തെ പല വിഷയങ്ങളിലും അമ്മ ചാടിക്കേറി എടുത്ത തീരുമാനം വിവാദമായിട്ടുണ്ട്. അത് വലിയ രീതിയിൽ ചർച്ചയാവുകയും പിന്നീട് തിരുത്തിയ സാഹചര്യം ഉണ്ടാവുകയും ചെയ്തിട്ടുണ്ട്.
advertisement
അതിനാൽ അത്തരത്തിലുള്ള വിവാദങ്ങൾ ഒഴിവാക്കുന്നതാണ് നല്ലത്. ദിലീപ്, wcc അടക്കമുള്ള വിഷയങ്ങളിലെ വിവാദങ്ങൾ പരോക്ഷമായി സൂചിപ്പിച്ചു കൊണ്ടായിരുന്നു സുരേഷ് ഗോപിയുടെ പ്രതികരണം. നിരവധി കലാകാരന്മാർക്ക് മാസവേതനം നൽകുന്ന സംഘടനയ്ക്ക് ഉചിതമായ സമയത്ത് ഉചിതമായ തീരുമാനങ്ങൾ എടുക്കാൻ കഴിയുമെന്നും സുരേഷ് ഗോപി വ്യക്തമാക്കി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Nov 22, 2020 2:05 PM IST
മലയാളം വാർത്തകൾ/ വാർത്ത/Kerala/
ബിനീഷ് കോടിയേരി വിഷയം: താരസംഘടനയായ 'അമ്മ' എടുത്തുചാടി തീരുമാനമെടുക്കേണ്ടതില്ലെന്ന് സുരേഷ് ഗോപി
