'പാർട്ടി ആവശ്യപ്പെട്ടാൽ മങ്കടയിൽ മത്സരിക്കും; സീറ്റിൽ അവകാശം കൈവിടാതെ ടി.എ അഹമ്മദ് കബീർ

മലപ്പുറം: പാർട്ടി  നിർദേശിച്ചാൽ വീണ്ടും മത്സരിക്കാൻ തയാറാണെന്ന് മങ്കട എം.എൽ.എ ടി.എ അഹമ്മദ് കബീർ. എവിടെ മത്സരിക്കണമെന്നത് തീരുമാനിക്കേണ്ടത് പാർട്ടി ആണെന്നും മണ്ഡലം മാറി മത്സരിക്കുന്നതിനെ പറ്റി ഇപ്പൊൾ അഭിപ്രായം പറയാനില്ലെന്നും അദ്ദേഹം ന്യൂസ്  18 നോട് പറഞ്ഞു. മണ്ഡല പുനർ നിർണയത്തിന് ശേഷം 2011 മുതൽ ടി.എ അഹമ്മദ് കബീറാണ് മങ്കട മണ്ഡലത്തിലെ എം.എൽ.എ. ഇത്തവണ മങ്കടയിൽ ഒരു മൂന്നാം അങ്കത്തിന് അദ്ദേഹത്തിന് പാർട്ടി അവസരം നൽകുമോ എന്ന കാര്യത്തിൽ അഭ്യൂഹങ്ങൾ പ്രചരിക്കെയാണ് അഹമ്മദ് കബീർ ന്യൂസ് 18 നോട് മനസ്സ് തുറന്നത്.