തിരുവനന്തപുരത്ത് കുളത്തിൽ കുളിക്കാനിറങ്ങിയ പത്താംക്ലാസുകാരൻ മുങ്ങി മരിച്ചു

രാവിലെ വീട്ടിൽ നിന്ന് കുളിക്കാനായി പോയതായിരുന്നു. എന്നാൽ കുറെ സമയമായിട്ടും മകനെ കാണാത്തതിനെ തുടർന്ന് അമ്മ അന്വേഷിച്ച് കുളത്തിനടുത്തേക്ക് പോകുകയായിരുന്നു. എന്നാൽ ഇവിടെ എത്തിയപ്പോഴേക്കും മകൻ മുങ്ങിക്കിടക്കുന്ന കാഴ്ചയാണ് അമ്മ കണ്ടത്. ഉടൻ വിതുര താലൂക്ക് ആശുപത്രിയിൽ എത്തിച്ചെങ്കിലും കുട്ടി മരിച്ചിരുന്നു. മൃതദേഹം പോസ്റ്റ്മോർട്ടത്തിന് ശേഷം കുടുംബത്തിന് വിട്ടുകൊടുക്കും.