ബോട്ടിംഗും വിനോദങ്ങളും തിരികെയെത്തുന്നു; ആക്കുളം കായൽ നവീകരണത്തിലൂടെ ടൂറിസം മേഖലയിൽ വലിയ കുതിപ്പ്

തിരുവനന്തപുരം നഗരത്തിൻ്റെ പ്രധാന ജലസ്രോതസ്സും വിനോദസഞ്ചാര കേന്ദ്രവുമായ ആക്കുളം കായലിന് പുതുജീവൻ നൽകിക്കൊണ്ടുള്ള ശുദ്ധീകരണ ജോലികൾ പുനരാരംഭിക്കുന്നു. ഏറെ നാളായി പായലും പോളയും നിറഞ്ഞ് നശിച്ചുകൊണ്ടിരുന്ന തടാകത്തെ പഴയ പ്രതാപത്തിലേക്ക് തിരികെ കൊണ്ടുവരാനുള്ള തടസ്സങ്ങൾ ഹൈക്കോടതി ഇടപെടലോടെ നീങ്ങിയ പശ്ചാത്തലത്തിലാണ് നടപടികൾ വേഗത്തിലാക്കുന്നത്.