ലഹരി വിരുദ്ധ പോരാട്ടത്തിന് കാൽപന്തിൻ്റെ ആവേശം

കായിക ലോകത്തിന് ആവേശം പകരുകയും ലഹരിക്കെതിരായ പോരാട്ടത്തിന് കരുത്ത് നൽകുകയും ചെയ്യുന്ന തിരുവനന്തപുരം നഗരസഭയുടെ പുതിയ മൾട്ടി സ്പോർട്സ് ടർഫ്  മുടവൻ മുകളിൽ ഉദ്ഘാടനം ചെയ്തു. മുടവന്മുകളിൽ പുതുതായി ആരംഭിച്ച ഈ ടർഫ്, ഉദ്ഘാടന ദിവസം തന്നെ ലഹരി വിരുദ്ധ ഫുട്ബോൾ മത്സരത്തിന് വേദിയായി എന്ന പ്രത്യേകതയുമുണ്ട്. മയക്കുമരുന്ന് ഉപയോഗത്തിനെതിരെ ശക്തമായ സന്ദേശം നൽകുക എന്ന ലക്ഷ്യത്തോടെയാണ് മേയേഴ്സ് ആൻ്റി-ഡ്രഗ് ക്യാമ്പയിൻ ഫുട്ബോൾ ടൂർണമെൻ്റ് ടർഫിൽ സംഘടിപ്പിച്ചത്.