അഞ്ചുതെങ്ങിലെ അങ്കണവാടി വർക്കർ അശ്വതി ഇനി മുതൽ സൂപ്പർവൈസർ അശ്വതി.

വർക്കറെന്ന നിലയിൽ വളരെ കൃത്യതയോടെ ജോലി നോക്കിയിരുന്ന അശ്വതി ജീവനക്കാർക്കെല്ലാം ഏറെ പ്രിയപ്പെട്ടവളാണ്. വളരെ പ്രശംസാർഹമായ സേവനമാണ് അശ്വതിയുടേത് .അങ്കണവാടി വർക്കേഴ്സ് & ഹെൽപ്പേഴ്സ് അസോസിയേഷൻ (സി ഐ ടി യു ) അഞ്ചുതെങ്ങ് മേഖലാ കമ്മറ്റിയുടെ നേതൃത്വത്തിൽ നടത്തിയ യാത്രായപ്പുയോഗത്തിൽ യൂണിയനു വേണ്ടി പഞ്ചായത്ത് പ്രസിഡൻറ് വി.ലൈജു അശ്വതിക്ക് ഉപഹാരം നൽകി.

സിഐടിയു ഏര്യാ സെക്രട്ടറി അഞ്ചുതെങ്ങ് സുരേന്ദ്രൻ, ചിറയിൻകീഴ് ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻ്റിംഗ് കമ്മറ്റി ചെയർപേഴ്സൻ ജോസഫിൻ മാർട്ടിൻ , പഞ്ചായത്ത്സെക്രട്ടറി പി.രാജീവ്, അഞ്ചുതെങ്ങ് പഞ്ചായത്ത് അങ്കണവാടി സൂപ്പർവൈസർമാരായ വൃന്ദ.എസ്, ജ്യോതി ജയറാം,മുൻ സൂപ്പർവൈസർ മഹേശ്വരിയമ്മ, യൂണിയൻ നേതാക്കളായ സിന്ധു പ്രകാശ്, സി.അജിത, സെൽവി ജാക്സൻ, അജിതരാജു, രഞ്ജിലഉദയൻ, എം.മിനി ,തുടങ്ങിയവർ സംസാരിച്ചു.

അശ്വതിക്ക് അങ്കണവാടി സൂപ്പർവൈസറായി സ്ഥാനക്കയറ്റം ലഭിച്ചത് അവർക്ക് മാത്രമല്ല, അഞ്ചുതെങ്ങ് സമൂഹത്തിനാകെ സുപ്രധാന നാഴികക്കല്ലാണ്. ഒരു സമർപ്പിത തൊഴിലാളിയിൽ നിന്ന് സൂപ്പർവൈസറിലേക്കുള്ള അവരുടെ യാത്ര, സ്ഥിരോത്സാഹത്തിൽ നിന്നും കഠിനാധ്വാനത്തിൽ നിന്നും ഉണ്ടാകുന്ന സാധ്യതകൾ കാണിക്കുന്നു. വ്യക്തിഗത വിജയങ്ങളിലേക്ക് നയിക്കുന്നതിൽ കമ്മ്യൂണിറ്റി പിന്തുണയുടെയും അംഗീകാരത്തിൻ്റെയും പ്രാധാന്യത്തെ എടുത്തുകാണിക്കുന്നു. തൻ്റെ പുതിയ ദൗത്യം ഏറ്റെടുക്കുമ്പോൾ, നിശ്ചയദാർഢ്യവും പിന്തുണയും ഉണ്ടെങ്കിൽ നേട്ടങ്ങൾ കൈവരിക്കാനാകുമെന്ന് തെളിയിക്കുന്ന അശ്വതിയുടെ കഥ അങ്കണവാടി സമ്പ്രദായത്തിലും അതിനപ്പുറമുള്ള നിരവധി പേർക്ക് പ്രചോദനമാകും.