ആർത്തവ വേദനക്ക് ആശ്വാസമായി; കാട്ടാക്കട ഹൈസ്‌കൂളുകളിൽ വനിതാ മുറികൾ ഒരുങ്ങുന്നു

ആർത്തവ സമയത്തെ വയറുവേദന, തലവേദന, ശാരീരിക അസ്വസ്ഥതകളൊക്കെ നമ്മുടെ പെൺമക്കളെ വിഷമവൃത്തത്തിലാക്കാറുണ്ട്. ക്ളാസ് മുറിയിൽ കുട്ടികൾ വിഷമിക്കുമ്പോൾ അധ്യാപകരും പരിഭ്രമത്തിലാകും, കുട്ടികളെ എങ്ങനെ ആശ്വസിപ്പിക്കുമെന്നറിയാതെ. മാതാപിതാക്കൾ ജോലി സ്ഥലത്ത് നിന്നെത്തി വീട്ടിലേക്ക് കൂട്ടിക്കൊണ്ടുപോകുന്നത് വരെ ഈ കുട്ടികൾ ക്ളാസ് മുറിയിലോ സ്റ്റാഫ് റൂമിലോ ഇരിക്കേണ്ടി വരും, ഒട്ടും സുഖകരമല്ലിത്... അനിവാര്യമായ പെണ്ണിടങ്ങൾക്കായി സ്കൂളുകളിൽ ഒരിടമുണ്ടാകണം എന്ന ചിന്ത ഉദിക്കുന്നത് ഈ പശ്ചാത്തലത്തിലാണ്. കാട്ടാക്കടയിൽ ജനപ്രതിനിധികളുടെയും നാട്ടുകാരുടെയും ഒക്കെ ഇടപെടലിൽ വനിതാ മുറിയൊരുങ്ങുന്നത് ഇങ്ങനെയാണ്.