കാട്ടാക്കടയ്ക്ക് പുതുപുത്തൻ കോടതി സമുച്ചയം; ആറുനിലകളിലായി നീതിമന്ദിരം ഉയരുന്നു

നിർമ്മാണ പ്രവർത്തനങ്ങളുടെ പുരോഗതി വിലയിരുത്തുന്നതിനായി ഐ.ബി. സതീഷ് എം.എൽ.എ. കോടതി സമുച്ചയം സന്ദർശിച്ചു. നിലവിൽ പരിമിതമായ സൗകര്യങ്ങളിൽ പ്രവർത്തിച്ചുകൊണ്ടിരിക്കുന്ന കാട്ടാക്കട മജിസ്ട്രേറ്റ് കോടതിയെ എത്രയും വേഗം പുതിയ മന്ദിരത്തിലേക്ക് മാറ്റി സ്ഥാപിക്കാനുള്ള നടപടികൾ ദ്രുതഗതിയിൽ പുരോഗമിക്കുകയാണ്. ഇതിനാവശ്യമായ സജ്ജീകരണങ്ങൾ നടപ്പിലാക്കി വരുന്നതായും സന്ദർശനവേളയിൽ എം.എൽ.എ. അറിയിച്ചു.

കോടതിയുടെ പ്രവർത്തനം പുതിയ കെട്ടിടത്തിലേക്ക് മാറുന്നതോടെ അഭിഭാഷകർക്കും ഉദ്യോഗസ്ഥർക്കും പൊതുജനങ്ങൾക്കും മികച്ച സേവനവും സൗകര്യങ്ങളും ഉറപ്പാക്കാൻ സാധിക്കും. മേഖലയിലെ നീതിന്യായ വ്യവസ്ഥയുടെ വികസനത്തിൽ നിർണ്ണായകമായ നാഴികക്കല്ലാണ് ഈ പുതിയ കോടതി സമുച്ചയം. നിലവിൽ പരിമിതമായ സാഹചര്യങ്ങളിൽ പ്രവർത്തിക്കുന്ന കോടതിക്ക് പുതിയ കെട്ടിടം ഉയരുന്നതോടെ പ്രവർത്തനം മികച്ച രീതിയിൽ ആക്കാൻ കഴിയും. കോടതി വ്യവഹാരങ്ങൾക്ക് എത്തുന്നവർക്കും ഇത് ഏറെ സൗകര്യപ്രദമാകും.