തോവാള തോൽക്കും കാട്ടാക്കട, ഓണത്തെ വരവേൽക്കാൻ ഓറഞ്ചും മഞ്ഞയും പൂപ്പാടങ്ങൾ

ഓണമെത്തുമ്പോൾ മലയാളിയുടെ മനസ്സിൽ ആദ്യം ഓടിയെത്തുന്നത് തുമ്പയും മുക്കുറ്റിയുമെല്ലാം നിറഞ്ഞ പൂക്കളമാണ്. എന്നാൽ കാലം മാറിയപ്പോൾ അന്യസംസ്ഥാനങ്ങളിൽ നിന്നെത്തുന്ന പൂക്കളായി നമ്മുടെ ഓണാഘോഷങ്ങളുടെ പ്രധാന ഭാഗം. ഈ പതിവിന് മാറ്റം വരുത്താൻ നാല് വർഷം മുൻപ് കാട്ടാക്കടക്കാർ ഒരുമിച്ചു ചിന്തിച്ചു തുടങ്ങിയപ്പോൾ, 'നമ്മുടെ ഓണം നമ്മുടെ പൂക്കൾ' എന്ന ആശയം ഉടലെടുത്തു. ഇന്ന് ആ സ്വപ്നം യാഥാർത്ഥ്യമായിരിക്കുന്നു.