കാടിനുള്ളിലെ വെള്ളച്ചാട്ടം; വേനൽ കാലത്ത് സഞ്ചാരികളെ വരവേറ്റ് 'മങ്കയം'

കാടിനകതൊരു വെള്ളച്ചാട്ടം , തിരുവനന്തപുരം ജില്ലയിലെ പാലോടുള്ള മങ്കയം വെള്ളച്ചാട്ടമാണ് വേനൽ കാലത്തും വിനോദസഞ്ചാരികളെ ആകർഷിക്കുന്നത്.വന്മരങ്ങൾ ഇടതൂർന്ന് നിൽക്കുന്ന കാട്ടിലൂടെ ഒഴുകിയെത്തുന്ന വെള്ളച്ചാട്ടമാണ് മങ്കയം. കാടിന് നടുവിലൂടെ ഒഴുകിയെത്തുന്ന മങ്കയം വെള്ളച്ചാട്ടത്തിലെ വെള്ളത്തിന് ഒരുപാട് ഔഷധ ഗുണങ്ങളുള്ളാതാണ്‌. കാണാനെത്തുന്നവർക്ക് മുന്നിലൂടെ അലസമായി ഒഴുകുന്ന മങ്കയം വെള്ളച്ചാട്ടം പ്രകൃതിയൊരുക്കിയ വരദാനം തന്നെയാണ്. ട്രക്കിങ്ങിന്റെ സാധ്യതകൾ കൂടിയുള്ളതിനാൽ മങ്കയം ഇക്കോ ടൂറിസം .ഇവിടെയെത്തുന്നവർക്ക് വനത്തിലൂടെയുള്ള യാത്ര മികച്ച ഒരു അനുഭവം തന്നെയാണ്. മലമുകളിൽ നിന്നും നേർത്ത ഒരു വള്ളിപോലെ ഒലിച്ചെത്തുന്ന മങ്കയം വെള്ളച്ചാട്ടം ഒരു ചിത്രം പോലെ തോന്നും.ചെറൂഞ്ചിയിൽ നിന്നുത്ഭവിച്ച് ബ്രൈമൂർ വനമേഖലയിലൂടെ വരുന്ന നദിയായ ചിറ്റാറിന്റെ കൈവഴിയാണ് മങ്കയം. തിരുവനന്തപുരം ജില്ലയുടെ മലയോര മേഖലയിലൂടെ ഒഴുകുന്ന പോകുന്ന നദിയാണ് ചിറ്റാർ .തെക്കന്‍ കേരളത്തിലെ തന്നെ മനോഹരമായ രണ്ടു വെള്ളച്ചാട്ടങ്ങള്‍ മങ്കയത്തിന് സ്വന്തമാണ്, കാളക്കയവും കുരിശ്ശടിയും. ശുദ്ധമായ വെള്ളത്തിൽ കുളിച്ച്, പ്രകൃതിഭംഗി ആസ്വദിക്കാന്‍ പറ്റിയ മങ്കയം പുഴയിലെ വെള്ളച്ചാട്ടങ്ങള്‍. തിരുവനന്തപുരം നിവാസികള്‍ക്ക് പ്രിയപ്പെട്ട വാരാന്ത വിനോദസഞ്ചാര കേന്ദ്രമാണ്‌.