തിക്കുറിശ്ശിയും ജഗതിയും കടന്ന് വെഞ്ഞാറമൂട്ടിൽ എത്തിയ നടന്മാരുടെ പേരിൽ അറിയപ്പെടുന്ന സ്ഥല പേരുകൾ

വ്യത്യസ്തതയുള്ള ഒരുപാട് സ്ഥലപേരുകൾ തിരുവനന്തപുരത്തിനു സ്വന്തമാണ്. അതിൽ തന്നെ ചില സിനിമാതാരങ്ങളുടെ പേരിനൊപ്പം ചേർക്കപ്പെട്ട സ്ഥലപ്പേരുകൾ പലപ്പോഴും നമ്മളിൽ ആശയ കുഴപ്പം സൃഷ്ടിക്കാറുണ്ട്. അത് നടൻ്റെ പേരാണോ അതോ സ്ഥലത്തിൻ്റെ പേരാണോ എന്ന്. അതിൽ പ്രധാനപ്പെട്ട ഒരു പേരാണ് ജഗതി. ജഗതി എന്നത് തിരുവനന്തപുരത്ത് വളരെ പ്രശസ്തമായ ഒരു സ്ഥലപ്പേര് ആണ്. തിരുവനന്തപുരം ജില്ലയിലെ ജഗതിയിൽ ജനിച്ച 'അമ്പിളി ചേട്ടൻ' എന്ന് സിനിമാക്കാർ സ്നേഹത്തോടെ വിളിക്കുന്ന നാടക ആചാര്യനായ ജഗതി എൻ കെ ആചാരിയുടെ മകൻ പേരിനൊപ്പം സ്ഥലപ്പേര് കൂടി ചേർത്ത് ജഗതി ശ്രീകുമാർ എന്ന് സിനിമയിൽ അറിയപ്പെട്ടപ്പോൾ പിൽക്കാലത്ത് ശ്രീകുമാർ എന്ന പേരിനെ പോലും അപ്രസക്തമാക്കി ജഗതിയായി മാറി.