അരിക്കൊമ്പൻ 'അരിക്കുഞ്ഞനായി' വേദിയിൽ; കുരുന്നുകളുടെ നാടകവുമായി നടൻ ശ്യാം റെജി
- Published by:user_57
- news18-malayalam
Last Updated:
അരിക്കുഞ്ഞൻ എന്ന പേരിൽ 'തമ്പ്' അവതരിപ്പിക്കുന്ന കുട്ടികളുടെ നാടകം തിരുവനന്തപുരത്ത് അരങ്ങേറും
അരിക്കൊമ്പൻ (Arikkomban) എങ്ങോട്ടു പോകുന്നു, എന്ത് ചെയ്യുന്നു തുടങ്ങിയ കാര്യങ്ങൾ അടുത്തിടെ വൻ ജനശ്രദ്ധയോടെ മാധ്യമങ്ങളിൽ വാർത്തയായി മാറിയിരുന്നു. കൊമ്പൻ തമിഴ്നാട്ടിലേക്ക് കടത്തപ്പെട്ടതോടെയാണ് അരിക്കൊമ്പനിൽ നിന്നും അൽപ്പമെങ്കിലും ശ്രദ്ധ മാറിത്തുടങ്ങിയത്. ഇക്കാര്യത്തിൽ ഇനി കുട്ടികൾക്കും ചിലത് പറയാനുണ്ട്. അതെ, അരിക്കൊമ്പൻ നാടകമായി മാറുന്നു.
അരിക്കുഞ്ഞൻ എന്ന പേരിൽ ‘തമ്പ്’ അവതരിപ്പിക്കുന്ന കുട്ടികളുടെ നാടകം തിരുവനന്തപുരത്ത് അരങ്ങേറും. ജൂൺ 11 ഞായറാഴ്ചയാണ് അവതരണം. ‘ബിരിയാണി’ സിനിമയിൽ ശ്രദ്ധ നേടിയ നടനും നാടകപ്രവർത്തകനുമായ ശ്യാം റെജിയാണ് അരങ്ങിനു പിന്നിൽ.
‘തമ്പിന്റെ’ സമ്മർ തിയേറ്റർ ഫെസ്റ്റിവലിന്റെ ഭാഗമായാണ് അരിക്കുഞ്ഞൻ അരങ്ങേറുക. കുട്ടിക്കൂടാരം വിദ്യാർഥികൾ ആണ് വേഷമിടുന്നത്. വിവിധ മാധ്യമങ്ങൾ അരിക്കൊമ്പൻ വിഷയത്തെ കൈകാര്യം ചെയ്ത രീതി നാടകത്തിന്റെ പ്രധാന പ്രതിപാദ്യമാണെന്ന് ശ്യാം റെജി പറഞ്ഞു.
Also read: Arikomban | അരിക്കൊമ്പന് വൃത്തി മുഖ്യം ബിഗിലേ; പുല്ല് കഴുകി വൃത്തിയാക്കി തിന്നുന്ന ദൃശ്യം വൈറൽ
advertisement
ലൈറ്റ് ഡിസൈനും നിർവഹണവും: രാജേഷ് ചന്ദ്രൻ ടി.ടി.; സംഗീത രൂപകല്പനയും നിർവ്വഹണവും: ഗംഗ എസ്.ആർ., വീഡിയോ ഡോക്യുമെന്റേഷൻ: ബിജു മോഹൻ, വീഡിയോ എക്സിക്യൂഷൻ : ഗാധ ആർ. കൃഷ്ണൻ; വരികൾ, സംഗീതം, പ്രോപ്സ്, കോസ്റ്റ്യൂം & കൊറിയോഗ്രാഫ്: കുട്ടിക്കൂടാരം വിദ്യാർഥികൾ.
അരിക്കുഞ്ഞനെ കൂടാതെ ‘നോട്ട് ഒൺലി ബട്ട് ആൾസോ’, ‘കുരുവി പറഞ്ഞ കഥ’ തുടങ്ങിയ നാടകങ്ങളും ഇതേ ദിവസം അവതരിപ്പിക്കും. തൈക്കാട് ‘ഗണേശം’ ഓഡിയോറിയത്തിൽ വൈകിട്ട് 6.30നാണ് പരിപാടി.
Summary: From being called a rogue elephant, Arikkomban has been hogging limelight for all the right an wrong reasons to be precise. It’s time, he is being given some attention from children. A theatre group from Thiruvananthapuram is organising a play called ‘Arikunjan’ under the direction and supervision of actor Shyam Raji. The play is scheduled for staging on June 11 at Ganesham auditorium in Thiruvananthapuram
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Jun 10, 2023 8:47 AM IST
മലയാളം വാർത്തകൾ/ വാർത്ത/Kerala/
അരിക്കൊമ്പൻ 'അരിക്കുഞ്ഞനായി' വേദിയിൽ; കുരുന്നുകളുടെ നാടകവുമായി നടൻ ശ്യാം റെജി
