• HOME
  • »
  • NEWS
  • »
  • kerala
  • »
  • Thrissur Pooram | തൃശൂർ പൂരം സാമ്പിൾ വെടിക്കെട്ട് ഇന്ന് രാത്രി; നഗരത്തിൽ ഗതാ​ഗത നിയന്ത്രണം

Thrissur Pooram | തൃശൂർ പൂരം സാമ്പിൾ വെടിക്കെട്ട് ഇന്ന് രാത്രി; നഗരത്തിൽ ഗതാ​ഗത നിയന്ത്രണം

പൂരത്തിന്റെ ഭാഗമായി മിക്കട്രെയിനുകള്‍ക്കും പൂങ്കുന്നം സ്റ്റേഷനില്‍ സ്റ്റോപ്പ് അനുവദിച്ചിട്ടുണ്ട്.

  • Share this:
    തൃശൂര്‍: തൃശൂര്‍ പൂരത്തിന്റെ സാമ്പിള്‍ വെടിക്കെട്ട് ഇന്ന് നടക്കും. രാത്രി 7 മണിക്ക് പാറമേക്കാവ് ദേവസ്വവും 8 മണിക്ക് തിരുവമ്പാടി ദേവസ്വവും വെടിക്കെട്ട് നടത്തുക. തൃശൂര്‍ നഗരത്തില്‍ വൈകുന്നേരം മുതല്‍ ഗതാഗത നിയന്ത്രണം ഉണ്ടാകും. പൂരത്തിന്റെ ഭാഗമായി മിക്കട്രെയിനുകള്‍ക്കും പൂങ്കുന്നം സ്റ്റേഷനില്‍ സ്റ്റോപ്പ് അനുവദിച്ചിട്ടുണ്ട്.

    പൂരത്തിന് അണിനിരക്കുന്ന ആനകളുടെ കുടമാറ്റത്തിനുള്ള കുടകളും, ചമയങ്ങളുടെയും നടക്കും. തിരുവമ്പാടി ദേവസ്വത്തിന്റെ ചമയ പ്രദര്‍ശനം റവന്യൂ മന്ത്രി കെ.രാജനും, പാറമേക്കാവിന്റേത് സുരേഷ് ഗോപി എം.പിയുമാണ് ഉദ്ഘാടനം ചെയ്യുന്നത്. ഗവര്‍ണര്‍ ആരിഫ് മുഹമ്മദ് ഖാന്‍  പ്രദര്‍ശനം കാണാന്‍ എത്തും.

    ഈ മാസം നാലാം തിയതിയായിരുന്നു  പൂരത്തിന് കൊടിയേറിയത്. കോവിഡ് വ്യാപനത്തെ തുടര്‍ന്ന് കഴിഞ്ഞ രണ്ട് വര്‍ഷമായി പൂര്‍ണ്ണമായി നടത്താന്‍ സാധിച്ചിരുന്നില്ല. എന്നാല്‍ ഇത്തവണ കോവിഡ് പ്രോട്ടോക്കോള്‍ പാലിച്ച് പൂരം നടത്താനാണ് തീരുമാനം.

    തൃശൂര്‍ പൂരത്തിന് എന്തുകൊണ്ട് 30 ആന മാത്രം?

    അമ്പതിലേറെ ആനകളെ എഴുന്നള്ളിക്കുന്ന നിരവധി പൂരങ്ങള്‍ നമ്മുടെ നാട്ടിലുണ്ട്. എന്നാല്‍ പൂരങ്ങളുടെ പൂരം എന്നറിയപ്പെടുന്ന തൃശൂര്‍ പൂരത്തിന് 30 ആനകളെ മാത്രമാണ് അണിനിരത്തുന്നത്. ഇപ്പോഴത്തെ തലമുറയ്ക്ക് ഓര്‍മവെക്കുന്നതിന് മുന്നേ തന്നെ 30 ആനകളാണ് തൃശൂര്‍ പൂരത്തിന് പതിവ്. എന്നാല്‍ അതിന് മുമ്പ് ആനകളെ എഴുന്നള്ളിക്കാന്‍ പാറമേക്കാവ് വിഭാഗവും തിരുവമ്പാടി വിഭാഗവും തമ്മില്‍ മത്സരിച്ചിരുന്നതായാണ് പഴയ രേഖകള്‍ പറയുന്നത്. ഈ മത്സരം ഇരുവിഭാഗങ്ങളും തമ്മില്‍ കലഹമുണ്ടായി.

    Rain Alert | ബംഗാൾ ഉൾക്കടലിലെ തീവ്ര ന്യൂനമർദ്ദം ഇന്ന് അസാനി ചുഴലിക്കാറ്റാകും; കേരളത്തിൽ കനത്ത മഴയ്ക്ക് സാധ്യത

    ആ കാലത്ത് പൂരം നടത്താന്‍ പട്ടാളത്തിന്റെ സഹായം തേടുന്ന അവസ്ഥയില്‍വരെ കാര്യങ്ങളെത്തി. ഇതോടെയാണ് ഓരോ വിഭാഗത്തിനും എഴുന്നള്ളിക്കാനുള്ള ആനകളുടെ എണ്ണം 15 വീതമാക്കി നിജപ്പെടുത്തിയത്.
    Published by:Jayashankar Av
    First published: