ഓട്ടോറിക്ഷകളില്‍ ഫെയർമീറ്റർ പ്രവര്‍ത്തിച്ചില്ലെങ്കില്‍ സൗജന്യ യാത്രയായി കണക്കാക്കുമെന്ന് ട്രാൻസ്പോർട്ട് കമ്മിഷണറുടെ സർക്കുലർ

ഓട്ടോറിക്ഷകളിൽ യാത്രാനിരക്ക് പ്രദർശിപ്പിക്കുന്ന മീറ്റർ പ്രവർത്തിച്ചില്ലെങ്കിൽ സൗജന്യ യാത്രയായി കണക്കാക്കുമെന്ന് ട്രാൻസ്പോർട്ട് കമ്മിഷണർ സർക്കുലർ ഇറക്കി. 'യാത്രാ വേളയിൽ ഫെയർ മീറ്റർ പ്രവർത്തിപ്പിക്കാതിരിക്കുകയോ, പ്രവർത്തന രഹിതമാവുകയോ ചെയ്താൽ യാത്ര സൗജന്യം'( If the fare meter is not engaged or not working, your journey is free) എന്ന സ്റ്റിക്കർ യാത്രക്കാരൻ ദൃശ്യമാകുന്ന തരത്തിൽ ഡ്രൈവറുടെ സീറ്റിന് പിറകിലായി മലയാളത്തിലും ഇംഗ്ളീഷിലും പ്രിന്റ് ചെയ്ത് പതിപ്പിക്കണമെന്നും സർക്കുലറിൽ പറയുന്നു.