തിരുവനന്തപുരം: ശബരിമലയിലെ സ്ത്രീ പ്രവേശനത്തെ ചൊല്ലി ദേവസ്വം ബോർഡിൽ ഭിന്നത. ദേവസ്വം കമ്മീഷണർക്കെതിരെ ദേവസ്വം പ്രസിഡന്‍റ് എ പത്മകുമാർ രംഗത്തെത്തി. കമ്മീഷണർ പുറത്തിറക്കിയെന്ന് പറയുന്ന സർക്കുലറിനെക്കുറിച്ച് അറിയില്ലെന്നാണ് ബോർഡ് പ്രസിഡന്‍റ് പറയുന്നത്. ബോർഡിനോട് ആലോചിക്കാതെയാണ് ഇത്തരമൊരു സർക്കുലർ ഇറക്കിയതെന്ന് ദേവസ്വം പ്രസിഡന്‍റും അംഗങ്ങളും പറയുന്നു. ഇക്കാര്യം ഇന്ന് ദേവസ്വം മന്ത്രിയെ ബോർഡ് പ്രസിഡന്‍റ് എ പത്മകുമാർ അറിയിച്ചു. ഇതേത്തുടർന്ന് മന്ത്രി ഇടപെട്ട് ദേവസ്വം കമ്മീഷണറെ വിളിച്ചുവരുത്തി വിശദീകരണം തേടിയതായാണ് അറിയുന്നത്.