നാടെങ്ങും ഉത്രാടപ്പാച്ചിൽ; പച്ചക്കറിയുടെ വില കേട്ടാൽ നാട്ടിൽ നിന്നുതന്നെ ഓടിയൊളിക്കും

ഇന്ന് മലയാളികൾക്ക് ഉത്രാടപ്പാച്ചിൽ. നാടും നഗരവും ഓണ വിഭവങ്ങൾ തേടിയുള്ള തിരക്കിലമർന്നു കഴിഞ്ഞു. ഓണത്തോടനുബന്ധിച്ച് വിപണിയുടെ തിരക്ക് പൂർണതയിൽ എത്തുന്നത് ഉത്രാട ദിനത്തിലാണ്. ഒട്ടേറെ ഓഫറുകളും സമ്മാനങ്ങളുമൊക്കെ ഒരുക്കിയാണ് വിവിധ വ്യാപാര സ്ഥാപനങ്ങൾ ഓണവിപണിയെ വർണാഭമാക്കുന്നത്. പുത്തൻ ട്രെൻഡുകളുടെ ശേഖരവുമായി തുണിക്കടകൾ ഓണത്തെ വരവേൽക്കാൻ നേരത്തെ തന്നെ ഒരുങ്ങിയിരുന്നു. ചെറുതും വലുതുമായ വസ്ത്രവിൽപന ശാലകളിലെല്ലാം ഓണക്കോടി വാങ്ങാനെത്തുന്നവരുടെ തിരക്കാണ്.