'എൻഎസ്എസിനെ തെറ്റിച്ചത് മുസ്ലിം ലീഗ്, സതീശൻ ഇന്നലെ പൂത്ത തകര'; വെള്ളാപ്പള്ളി നടേശൻ

ആലപ്പുഴ: എസ്എൻഡിപിയെയും എൻഎസ്എസിനെയും തമ്മിൽ അകറ്റിയതിന് പിന്നിൽ മുസ്ലിം ലീഗ് നേതൃത്വമാണെന്ന ആരോപണവുമായി വെള്ളാപ്പള്ളി നടേശൻ. ഇരു വിഭാഗങ്ങളും തമ്മിൽ യോജിക്കാൻ പാടില്ലെന്ന ലക്ഷ്യത്തോടെ ലീഗ് കരുനീക്കങ്ങൾ നടത്തിയെന്നും ഭരണത്തിൽ ഇരുന്നപ്പോൾ ഭൂരിപക്ഷ സമുദായങ്ങളെ അവഗണിച്ചുവെന്നും അദ്ദേഹം കുറ്റപ്പെടുത്തി. ഈ അവഗണനകൾ തിരിച്ചറിഞ്ഞ സാഹചര്യത്തിലാണ് 'നായാടി മുതൽ നസ്രാണി വരെ' എന്ന വിശാലമായ ഐക്യമെന്ന ചിന്തയിലേക്ക് കാര്യങ്ങൾ എത്തിയതെന്നും വെള്ളാപ്പള്ളി വ്യക്തമാക്കി.