തൃശൂര് മാന്ദാമംഗലം പള്ളിയില് യാക്കോബായ- ഓര്ത്തഡോക്സ് സംഘര്ഷം; 15 പേര്ക്ക് പരുക്കേറ്റു
Last Updated:
ഗേറ്റ് തുറന്നു അകത്തു കടക്കാന് ഓര്ത്തഡോക്സ് വിഭാഗം ശ്രമിച്ചതാണ് സംഘര്ഷത്തിന് കാരണമെന്നു യാക്കോബായ
തൃശൂര്: മാന്ദാമംഗലം സെന്റ് മേരീസ് പള്ളിയില് യാക്കോബായ- ഓര്ത്തഡോക്സ് വിഭാഗങ്ങള് തമ്മില് സംഘര്ഷം. 15പേര്ക്ക് പരിക്കേറ്റു. ഇന്നലെ രാത്രി 11 മണിയോടെയാണ് സംഘര്ഷം ഉണ്ടായത്. പള്ളിക്കു മുന്പില് തടിച്ചു കൂടിയ ഓര്ത്തഡോക്സ് വിഭാഗക്കാരെയും പള്ളിക്കുള്ളില് സംഘടിച്ച യാക്കോബായ വിഭാഗക്കാരെയും രാത്രി 12 മണിയോടെ പൊലീസ് നീക്കിയതോടെ ആണ് സംഘര്ഷം അവസാനിച്ചത്
കഴിഞ്ഞ രണ്ടു ദിവസമായി ഓര്ത്തഡോക്സ് വിഭാഗം പള്ളി പ്രവേശനം ആവശ്യപ്പെട്ടു ഇവിടെ സമരത്തിലായിരുന്നു. ഗേറ്റ് തുറന്നു അകത്തു കടക്കാന് ഓര്ത്തഡോക്സ് വിഭാഗം ശ്രമിച്ചതാണ് സംഘര്ഷത്തിന് കാരണമെന്നു യാക്കോബായ വിഭാഗം ആരോപിച്ചു. എന്നാല് തങ്ങള്ക്കു നേരെ യാക്കോബായ വിഭാഗം കല്ലെറിയുകയായിരുന്നു വെന്നാണ് ഓര്ത്തഡോക്സ് വിഭാഗത്തിന്റെ ആരോപണം.
Also Read: ബിജെപി നേതാവിനെ അജ്ഞാതർ വെടിവെച്ചു കൊന്നു
സംഘര്ഷത്തില് ഓര്ത്തഡോക്സ് ഭദ്രാസനാധിപന് മാര് മിലിത്തിയോസ് ഉള്പ്പെടെയുള്ളവര്ക്ക് പരിക്കേറ്റു. ഇവരെ ആശുപത്രിയിലേക്ക് മാറ്റി. യാക്കോബായ വിഭാഗത്തിന്റെ നിയന്ത്രണത്തിലുള്ള പള്ളിയില് ഓര്ത്തഡോക്സ് വിഭാഗത്തിന് കോടതി പ്രവേശന അനുമതി നല്കിയിരുന്നു.
advertisement
ഇതിനെ തുടര്ന്ന് കഴിഞ്ഞ ചൊവ്വാഴ്ച രാവിലെ ഓര്ത്തഡോക്സ് വിഭാഗം സംഘടിതമായി പള്ളിയില് പ്രവേശിക്കാനെത്തി. എന്നാല് പള്ളിയില് നേരത്തെ തന്നെ സംഘടിച്ച യാക്കോബായ വിഭാഗം ഗേറ്റ് പൂട്ടയിടുകയായിരുന്നു. തുടര്ന്നാണ് ഗേറ്റിനു പുറത്തു ഓര്ത്തഡോക്സ് വിഭാഗം പന്തല് കെട്ടി സമരം ആരംഭിച്ചത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jan 18, 2019 6:53 AM IST
മലയാളം വാർത്തകൾ/ വാർത്ത/Kerala/
തൃശൂര് മാന്ദാമംഗലം പള്ളിയില് യാക്കോബായ- ഓര്ത്തഡോക്സ് സംഘര്ഷം; 15 പേര്ക്ക് പരുക്കേറ്റു
