അഴിമതി ആരോപണം: സായ് ഡയറക്ടർ ഉൾപ്പടെ ആറ് പേരെ സിബിഐ അറസ്റ്റ് ചെയ്തു

ഡൽഹി ലോധി റോഡിലെ സ്പോർട്സ് അഡ്മിനിസ്ട്രേറ്റർ ഓഫീസില്‍ നടത്തിയ തിരച്ചിലിന് ഒടുവിലായിരുന്നു അറസ്റ്റ്. സായ് ഡയറക്ടർ എസ്.കെ ശർമ്മ, ജൂനിയർ അക്കൗണ്ട് ഓഫീസർ ഹരീന്ദർ പ്രസാദ്, സൂപ്പർവൈസർ ലളിത് ജോളി, യുഡിസി വികെ ശർമ്മ, കോൺട്രാക്ടർ മന്ദീപ് അഹൂജ, യൂനസ് എന്നിവരെയാണ് അറസ്റ്റ് ചെയ്തതെന്ന് സിബിഐ പറഞ്ഞു.

വൈകുന്നേരം അഞ്ച് മണിയോടെ ജവഹർലാൽ നെഹ്റു സ്റ്റേഡിയത്തിനടുത്തുള്ള സായ് ഹെഡ്കോർട്ടേഴ്സിലെത്തിയ സിബിഐ ഉദ്യോഗസ്ഥർ ഓഫീസും പരിസരവും സീൽ ചെയ്തു. അറസ്റ്റ് ചെയ്തവരെ സിബിഐ ചോദ്യം ചെയ്ത് വരികയാണ്.