"കൺമുന്നിൽ വെച്ച് സ്വന്തം പിതാവിനെ വരെ വെട്ടിക്കൊന്നാലും പോയി ആ ചിഹ്നത്തിൽ വോട്ടുചെയ്യുമെന്ന് അറിയാം" - ഇടതുപക്ഷത്തെ ട്രോളി വീണ്ടും ബൽറാം

പാലക്കാട്: കൺമുന്നിൽ വെച്ച് സ്വന്തം വരെ അവർ വെട്ടിക്കൊന്നാലും ഏത് ദാവൂദ് ഇബ്രാഹിമിനെയോ വീരപ്പനേയോ ആ പാർട്ടി ലേബലിൽ മത്സരിപ്പിച്ചാലും ആ ചിഹ്നത്തിൽത്തന്നെ വോട്ട് ചെയ്യുമെന്ന് അറിയാമെന്ന് വി.ടി ബൽറാം എം.എൽ.എ. ഫേസ്ബുക്ക് പോസ്റ്റിലാണ് ഇടതുപക്ഷത്തിനെതിരെ ശക്തമായ ട്രോളുമായി വി.ടി ബൽറാം എത്തിയിരിക്കുന്നത്. വടകരയിലെ സ്ഥാനാർഥിയായ കെ. മുരളീധരനു വേണ്ടി കെ.കെ രമ രംഗത്തിറങ്ങുന്നതിന് എതിരെ എഴുത്തുകാരി കൂടിയായ ശാരദക്കുട്ടി വിമർശനം നടത്തിയിരുന്നു. ഇതിന്‍റെ കൂടി പശ്ചാത്തലത്തിലാണ് ബൽറാമിന്‍റെ ഫേസ്ബുക്ക് പോസ്റ്റ്.