Wayanad Landslide |ആറുദിവസം ദുരന്തഭൂമിയിൽ അലഞ്ഞ ലിയോ ;ഒടുവിൽ അമ്മയെ കണ്ടപ്പോൾ

വയനാട് : വയനാട് ഉരുള്‍പൊട്ടല്‍, ഒരു രാവ് ഇരുട്ടി വെളുത്തപ്പോൾ ഒരു പ്രദേശത്തെ തന്നെ തുടച്ച് നീക്കിയ ദുരന്തം. ദുരന്തത്തിന്റെ ബാക്കിപത്രമായി കുറച്ചധികം മിണ്ടാപ്രാണികളും . ആരുടെയൊക്കെയോ പൊന്നോമനകൾ ആയിരുന്നവ അവരും തിരയുകയാണ് തങ്ങളുടെ പ്രിയപെട്ടവരെ. ദുരന്തമുഖത്തെ സജീവ സാന്നിധ്യമായിരുന്നു ലിയോ എന്ന നായ. അവൻ എപ്പോഴും ആരെയോ തിരയുന്നത് കാണാം ഒടുവിൽ അവന്റെ തിരച്ചിലും ഫലം കണ്ടു. രാവും പകലും ദുരന്ത ഭൂമിയിലൂടെ അവൻ തിരിഞ്ഞു നടന്നു ഒട്ടിയ വയറിന്റെ വേദന അവൻ അറിഞ്ഞതേയില്ല ഇത്രകാലം തന്നെ വളർത്തിയ പ്രിയപ്പെട്ടവരെ തിരയുകയായിരുന്നു ആ മിണ്ടാപ്രാണി.ഒടുവിൽ ആറാം നാൾ അവന്റെ അലച്ചിൽ ലക്ഷ്യം കണ്ടു.