ക്ഷേമപെൻഷൻ 3000 രൂപയാക്കും; ന്യായ് പദ്ധതി വഴി വർഷം 72000 രൂപ; കാരുണ്യ പദ്ധതി പുനഃസ്ഥാപിക്കും: യുഡിഎഫ് പ്രകടനപത്രിക

തിരുവനന്തപുരം: നിയമസഭാ തെരഞ്ഞെടുപ്പിനുള്ള യുഡിഎഫിന്റെ പ്രകടന പത്രിക പുറത്തിറക്കി. സാമൂഹിക ക്ഷേമപെൻഷൻ 3000 രൂപയാക്കുമെന്നാണ് വാഗ്ദാനം. ന്യായ് പദ്ധതി പ്രകാരം പാവപ്പെട്ട കുടുംബങ്ങള്‍ക്ക് മാസന്തോറും 6000 രൂപ( ഒരു വര്‍ഷം 72000 രൂപ) നൽകും. കാരുണ്യ പദ്ധതി പുനഃസ്ഥാപിക്കുമെന്നും അ‍ഞ്ചുലക്ഷം പേർക്ക് വീട് നിർമിച്ച് നൽകുമെന്നും പ്രകടന പത്രികയിൽ പറയുന്നു. ലൈഫ് പദ്ധതിയുടെ അപാകത പരിഹരിച്ച് പുതിയ ഭവന പദ്ധതി കൊണ്ടുവരുമെന്നും ശമ്പള കമ്മീഷൻ‌ മാതൃകയിൽ ക്ഷേമപെൻഷൻ കമ്മീഷൻ രൂപീകരിക്കുമെന്നും പ്രകടന പത്രികയിൽ പറയുന്നു.