കുമ്പളങ്ങി കായലിൽ വീണ്ടും ആ നീല വെളിച്ചം കണ്ടു; എന്താണ് ഈ കവര് അഥവാ ബയോലൂമിനസെൻസ് ?

ഒറ്റപ്പെട്ട പ്രദേശങ്ങളിൽ ആണ് കവര് കൂടുതൽ നന്നായി കാണാൻ കഴിയുക എന്നാണ് കുമ്പളങ്ങിയിലെ പ്രദേശവാസികൾ പറയുന്നത്. വേനൽക്കാലത്ത് കായലിൽ ഉപ്പിന്റെ അളവ് വർദ്ധിക്കുന്നതും വെള്ളത്തിൻറെ കട്ടി കൂടുന്നതുമാണ് കവര് അഥവാ ബയോലൂമിനസെൻസ് എന്ന പ്രതിഭാസം ഉണ്ടാകാൻ കാരണം. ബാക്ടീരിയ ഫംഗസ് ആൽഗെ പോലുള്ള സൂക്ഷ്മജീവികൾ പുറപ്പെടുവിക്കുന്ന ചെറു പ്രകാശമാണ് ആണ് ഇത്. കാഴ്ചക്കാർക്ക് ഇത് കൗതുകം ആണെങ്കിലും ഈ ചെറുപ്രാണികൾക്ക് പ്രകാശം പുറപ്പെടുവിക്കുക ഒരു പ്രതിരോധ മാർഗം കൂടിയാണ്.