ഇടുക്കി പന്നിയാറിൽ വീണ്ടും 'അരിക്കൊമ്പന്‍' ഇറങ്ങി; റേഷന്‍ കട തകര്‍ത്തു

കഴിഞ്ഞ ദിവസം ഉണ്ടായ കാട്ടാനയുടെ ആക്രമണത്തില്‍, ഫോറസ്ററ് വാച്ചർ കൊല്ലപ്പെട്ടിരുന്നു. റേഷന്‍ കട ആക്രമത്തിന് പിന്നാലെ  ബി എൽ റാം സ്വദേശി കുന്നത്ത് ബെന്നിയുടെ വീടിന് നേരെയും അരിക്കൊമ്പന്‍റെ ആക്രമണം ഉണ്ടായി. ആക്രമണത്തില്‍ വീട് ഭാഗികമായി തകരുകയും ഉടമ ബെന്നിയ്ക്ക് പരിക്കേല്‍ക്കുകയും ചെയ്തു. ഇയാളെ രാജകുമാരി പ്രാഥമിക ആരോഗ്യകേന്ദ്രത്തിൽ പ്രവേശിപ്പിച്ചു.

ശനിയാഴ്ച പുലർച്ചെ അരിക്കൊമ്പൻ പന്നിയാർ എസ്റ്റേറ്റിലെ റേഷൻ കട തകർത്ത് രണ്ടു ചാക്ക് അരിയെടുത്തു തിന്നിരുന്നു. കഴിഞ്ഞ ഒരു വർഷത്തിനിടെ പതിനൊന്ന് തവണയാണ് ആന കട തകർക്കുന്നത്.അരിക്കൊമ്പന് പുറമേ പത്തോളം ആനകള്‍ പ്രദേശത്ത് ഇറങ്ങിയിട്ടുള്ളതായി നാട്ടുകാർ പറയുന്നു.