കോവിഡ് ഭീഷണിയിൽ തെരഞ്ഞെടുപ്പ് മാറ്റിവയ്ക്കുമോ? ആരോഗ്യ വിദഗ്ധരുടെ യോഗം വിളിച്ച് തെരഞ്ഞെടുപ്പ് കമ്മീഷൻ

കരട് വോട്ടർ പട്ടിക പുറത്തിറക്കി തെരഞ്ഞെടുപ്പ് പ്രാരംഭ ഒരുക്കങ്ങളുമായി കമ്മീഷൻ മുന്നോട്ടുപോവുകയായിരുന്നു . ഇതിനിടയിലാണ് സംസ്ഥാനത്ത് സമ്പർക്ക രോഗികളുടെ എണ്ണം കുതിച്ചുയർന്നത്. നിലവിലുള്ള സാഹചര്യങ്ങൾ വിലയിരുത്തിയ ശേഷമായിരിക്കും തിരഞ്ഞെടുപ്പ് നടത്തുന്ന കാര്യത്തിൽ അന്തിമ തീരുമാനം എടുക്കുക. വോട്ടെടുപ്പ് ദിവസം ജനങ്ങൾ കൂട്ടത്തോടെ പുറത്തിറങ്ങുന്നത് രോഗവ്യാപന ഭീതി ഉയർത്തുന്നു എന്നതാണ് സാഹചര്യം. സാമൂഹിക അകലം അടക്കമുള്ള കോവിഡ് പ്രോട്ടോകോൾ പാലിക്കുക മിക്കയിടത്തും വെല്ലുവിളിയാകും. ഇക്കാര്യത്തിൽ തെരഞ്ഞെടുപ്പ് കമ്മീഷൻ സർക്കാരിൻ്റെയും അഭിപ്രായം തേടും.