എറണാകുളത്തെ സ്വകാര്യ ഹോസ്റ്റൽ മുറിയിൽ യുവതി പ്രസവിച്ചു
- Published by:meera_57
- news18-malayalam
Last Updated:
ഹോസ്റ്റലിൽ ഉണ്ടായിരുന്ന സുഹൃത്തുക്കൾ യുവതി ഗർഭിണി ആയിരുന്നു എന്ന് അറിഞ്ഞിരുന്നില്ല
എറണാകുളത്തെ സ്വകാര്യ ഹോസ്റ്റൽ മുറിയിൽ യുവതി പ്രസവിച്ചു. സംഭവത്തെ തുടർന്ന്, യുവതിയുടെ സുഹൃത്തുക്കൾ പോലീസിനെ വിവരം അറിയിച്ചു. അമ്മയെയും കുഞ്ഞിനേയും എറണാകുളം ജനറൽ ആശുപത്രിയിലേക്ക് മാറ്റി. നോർത്ത് പൊലീസ് എത്തിയാണ് ഇരുവരെയും ആശുപത്രിയിലേക്ക് മാറ്റിയത്. ഹോസ്റ്റലിൽ ഉണ്ടായിരുന്ന സുഹൃത്തുക്കൾ യുവതി ഗർഭിണി ആയിരുന്നു എന്ന് അറിഞ്ഞിരുന്നില്ല.
അതേസമയം കുറച്ചു ദിവസങ്ങൾക്ക് മുൻപ് കൊച്ചി നഗരത്തിൽ ഉണ്ടായ മറ്റൊരു സംഭവത്തിൽ, വീട്ടുകാർ അറിയാതെ പ്രസവിച്ച കുഞ്ഞിനെ യുവതി ഫ്ലാറ്റിൽ നിന്നും താഴേക്ക് എറിഞ്ഞ് കൊന്നിരുന്നു. പീഡനത്തിന് ഇരയായെന്നും, അതിജീവിതയെന്നുമായിരുന്നു യുവതിയുടെ ഭാഷ്യം.
പുലർച്ചെ ഫ്ളാറ്റിലെ ശുചിമുറിയിൽ പ്രസവിച്ച ശേഷം, നവജാത ശിശുവിന്റെ ശബ്ദം പുറത്തുകേൾക്കാതിരിക്കാൻ വായിൽ തുണിതിരുകുകയും കഴുത്തിൽ ഷോൾ മുറുക്കി ശ്വാസം മുട്ടിക്കുകയും ചെയ്തിരുന്നു. പ്രസവം നടന്ന് മൂന്നു മണിക്കൂറിനു ശേഷമാണ്, പരിഭ്രാന്തിയിലായ യുവതി കുഞ്ഞിനെ ഫ്ലാറ്റിനു പുറത്തേക്ക് വലിച്ചെറിയുന്നത്.
advertisement
മകൾ ഗർഭിണിയെന്ന വിവരം അച്ഛനും അമ്മയും അറിഞ്ഞിരുന്നില്ല. സംഭവത്തെ തുടർന്ന് യുവതിയെ പോലീസ് അടുത്തുള്ള ആശുപത്രിയിലേക്ക് മാറ്റുകയും ചെയ്തു. അതിജീവിത എന്ന യുവതിയുടെ വാദം കൂടുതൽ സജീവമായി അന്വേഷിക്കുമെന്ന് പോലീസ് അറിയിച്ചു.
Summary: A young woman gave birth in a private hostel in Kochi. Her peers, unaware of her pregnancy, alerted the police. The police then relocated the mother and baby to a nearby government hospital.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
May 05, 2024 11:08 AM IST
