മാവേലിക്കരയിൽ ശസ്ത്രക്രിയക്കിടെ സ്ത്രീ മരിച്ചു; ചികിത്സപ്പിഴവ് ആരോപിച്ച് ബന്ധുക്കൾ

താക്കോൽദ്വാര ശസ്ത്രക്രിയയിലൂടെ (Laparoscopy) മുഴ നീക്കം ചെയ്യാനാണ് ധന്യയെ ആശുപത്രിയിൽ പ്രവേശിപ്പിച്ചത്. എന്നാൽ ശസ്ത്രക്രിയയ്ക്കിടെ, ആന്തരിക അവയവങ്ങൾക്കിടയിലെ തടസ്സങ്ങൾ മാറ്റുന്നതിനിടെ കടുത്ത രക്തസ്രാവം ഉണ്ടായതായി പറയപ്പെടുന്നു. ഇത് പരിഹരിക്കാനായി അടിയന്തരമായി ഓപ്പൺ ശസ്ത്രക്രിയ നടത്തി മുഴ നീക്കം ചെയ്തെങ്കിലും തുടർന്നുള്ള സങ്കീർണതകൾ മരണത്തിന് കാരണമാവുകയായിരുന്നു.

ദുബായിൽ ജോലി ചെയ്യുന്ന രെജീഷ് ആണ് ധന്യയുടെ ഭർത്താവ്. അഥർവ് ഏക മകനാണ്.